اسلام آباد۔ 01ستمبر (اے پی پی) صدر مملکت ڈاکٹر عارف علوی آئین نا آرٹیکل 89نا رداٹ الیکشن (مسٹ میکو ترمیم) آرڈیننس، 2021ء آ دستخط کرے۔ آرڈیننس نا کمک اٹ الیکشن ایکٹ 2017ء نا سیکشن 72اٹی ترمیم کننگانے۔ ایوان صدر نا میڈیا ونگ انا رداٹ آرڈیننس نا رداٹ گچین مروک آ باسک آتے دیوان نا اولیکو نشست نا 60دے انا تہہ ٹی سوغند ہرفوئی مریک۔ باسک آتے آرڈیننس نا اطلاق نا 40دے انا تہہ ٹی سوغند ہرفوئی مریک۔ آرڈیننس اٹ پاننگانے کہ سینیٹ، اسمبلی یا ہندی حکومت کن گچین مروک آ باسک آتانشست وخت آ سوغند ہرفپننگ نا دروشم اٹ خورک مریک۔
