اسلام آباد۔ 01ستمبر (اے پی پی) وزیرخارجہ مخدوم شاہ محمود قریشی پارینے کہ اوغانستان آ اسہ سوگو ءُ حکمت عملی اسے نا خواہندار اُن، خوشی ءِ کہ پاکستان نا گام گیج آتے مثبت وڑاٹ ہُننگ انگ ءِ۔ چارشنبے نادے آ پارلیمنٹ ہاؤس اسلام آباد اٹ میڈیا تون گپ وتران کرسا وزیرخارجہ پارے کہ اینو سینیٹ نا خارجہ امور کمیٹی نا دیوان اٹی اوغانستان نا داتم اسکان نا حالیت آتیا باسک آتے پت اٹ ہلکن، ای کمیٹی ٹی ساڑی باسک آتا سوج آتا ورندی ءِ ہم تسٹ۔ شاہ محمود قریشی پارے کہ کمیٹی ٹی غٹ سیاسی جماعت آتا باسک آک ساڑی ئسر ہرافتے تون جوان ءُ نشست اس مس۔ دیوان اٹی ساڑی پارلیمنٹ نا غٹ جماعت آک پاکستان نا کڑدانا ستاءِ کریر و ہمووخت اسکان چائے امن عمل مرے، پیش تمنگ یا چائے انسانی بنداو تیا امدادنا ہیت مرے اوٹی پاکستان نا مثبت کڑد انا ستاءِ کننگا۔ وزیرخارجہ پارے کہ ای تینا ساڑی آ 4ملکی دورہ و ہموڑے سرکڑدہ غاتون مروک آ اوڑدہی تا بابت تینا جاچ ءِ پیش کریٹ وخت اس کہ کمیٹی نا باسک آتے پاریٹ کہ اوغانستان آ اسہ سوگو ءُ حکمت عملی اسے نا خواہندار اُن، خوشی ءِ کہ پاکستان نا گام گیج آتے مثبت وڑاٹ ہُننگ انگ ءِ۔
