اسلام آباد۔ 01ستمبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسدعمر پارینے کہ سے شنبے نادے آ مچ آ ملک اٹی 15لکھ آن زیات بندغ آتے ویکسین خلنگا، الس ہندا جوزہ ءِ برقرار تخے۔ اسد عمر ٹویٹ کرسا پارے کہ اگست نا ایسر اسکان 24شار تا 40درسد آبادی ءِ ویکسین خلنگ نا ہدف ءِ مقرر کریسن، دا24بھلا شارتیان 20ہدف ءِ پورو کرین، حیدر آباد، مردان، نوشہرہ و کوئٹہ ہدف ءِ پورو کتوس۔ اسدعمر نا پاننگ ئس کہ قومی کہو ل آ اہل آبادی نا 35درسد ءِ کم از کم اسہ خور اس ملانے، اسلام آباد اٹی 69درسد، آزاد کشمیر اٹی 51درسد، گلگت بلتستان اٹی 39درسد، پنجاب اٹی 37درسد، خیبرپختونخواٹی 35درسد، سندھ اٹی 32درسد و بلوچستان اٹی 12درسد آبادی ءِ ویکسین خلنگانے۔
