اسلام آباد۔ 01ستمبر (اے پی پی) ترجمان وزیراعظم و خصوصی کمکار سیاسی ابلاغ ڈاکٹر شہباز گل پارینے کہ کیلبری کوئین و کرپٹ لیڈر آتیان مفاہمت آخا حساب ہلوئی ءِ، این آر اونا خواہندار بندغ آک وخت اس کہ دھڑکو و وخت اس پڑپڑ کیرہ۔ داخیال آتا درشانی ءِ او چارشنبے نادے آ مریم صفدر نا بیان آ ردعمل نا درشانی ءِ کرسا کرے۔ اوپارے کہ 2018ء اسکان ملک تہاراٹی ئس، 40سال اسکان ملک آ کوزہ کروک آتے اسہ پین موقع اس درکارءِ، امریکہ، دبئی و لندن اسکان جائیداد جوڑ کروک آتا پڈ پُر متو۔ خصوصی کمکار پارے کہ 40سال حکومت کروک آتا بروک آ چین ہم بادشاہی ناتغ تے خننگ ءُ، نروک، دُز و کرپٹ نا خڑک جمہوریت بیرہ اوفتا اقتدار اٹ مننگ نا پن ءِ۔
