اسلام آباد۔ 01ستمبر (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان و اونا زرگزرانی ٹیم انا سرسہب حکمت عملی نا بھرمک مون آ بننگ نا بناءِ کرینو، مالی سال 2021-22نا بناغان ہی خراج وصولی تا ہدف ءِ سرتننگ ستاکڑزک، ن لیگ نا دور اٹ ریفنڈروک کرایڈوانس خراج وصول کرسا مصنوعی حساب وکتاب ءِ جاری کننگاکہ، نن تدوک آ مالی سال اٹی 364ارب نا ریفنڈتس۔ چارشنبے نادے آ تینا ٹویٹ اٹی وزیر مملکت حوالکاری و شینکاری فرخ حبیب پارے کہ اگست 2021ء ٹی 434ارب نا ریونیو مچ مس ہرا ٹارگٹ 349ارب آن 85ارب زیات ءُ، 2020تدوک آ سال اٹی 300ارب ناخراج مچ مسوسس۔ اوپارے کہ جولائی اگست 2021اِراتُو اٹی 850ارب نا ریونیو یکجا کننگا، 2020ء جولائی اگست اٹی 603ارب نا ریونیومچ مسوسس، 2021-22نا اولیکواِراتُو اٹی خراج وصولی تیٹی 41درسد ودکی مسنے۔ اوپارے کہ پی ٹی آئی حکومت اٹ اسمگلنگ نا توننگ تو ن اوار ایلو گام گیج آتیان خراج نیٹ اٹ ودکی مسنے۔
