اسلام آباد۔ 01ستمبر (اے پی پی) این سی اوسی نا پارت آتے مون آ تخسا پاکستان ریلوائی کورونا ویکسی نیشن نا بابت اہم گام گیج کرینے۔ ترجمان ریلوائی نا رداٹ کورونا ویکسین خلفنگ نا بابت الس نا آگاہی کن پاکستان ریلوائی اسٹیشن تا دنگ اٹ پوسٹر و بینرخلکونے۔ 15ستمبر 2021اسکان ویکسی نیشن نا کم آن کم اسہ ڈوز و 15اکتوبر اسکان ٹرین اسٹاف و اسٹیشن دنگ عملہ کن پورو ویکسی نیشن المی مریک۔ 15ستمبر اسکان ویکسی نیشن نا کم آن کم اسہ ڈوز و 15اکتوبراسکان پورو خور خلفوک آ مسافرآتے سفرکننگ نا موکل مریک۔ ویکسی نیشن کرفپروک آ مسافرآتے 15ستمبرآن پد ٹکٹ جاری کننگپک۔ ویکسی نیشن موبائل ٹیمک اسٹیشن تیا ساڑی مریرہ۔ اگہ مسافر اس ٹکٹ چیکنگ نا وخت آ بیدس ویکسی نیشن نا شناخت مس تو ٹکٹ چیکر و تعلقدار اسٹاف نا برخلاف کارروائی مریک۔
