اسلام آباد۔ 31اگست (اے پی پی) وزیرخارجہ مخدوم شاہ محمود قریشی پارینے کہ اوغانستان ءِ انسانی المیہ غان بچفنگ کن جہانی برادری نا کمک المی ءِ، جہانی برادری داوخت آ اوغانستان ءِ تنیا ہلپ و اوفتا زرگزرانی کمکاری ءِ برجاتخنگے۔ سے شنبے نادے آ جرمن وزیر خارجہ ہائیکو ماس اتون اوار وزارت خارجہ ٹی اسیجائی پریس کانفرنس آن تران کرسا شاہ محمو دقریشی پارے کہ اینخو سال جرمنی تون ننا سفارتی تعلقداری ءِ ہفتاد سال پورو مننگ والا ءِ، داوخت آ نن دا 70سال انا سفارتی رابطہ غاتے گچین وڑاٹ اڈتننگ نا ارادہ تخک، جرمنی یورپین یونین اٹ پاکستان نا غٹ آن بھلا واپاری حلیف ءِ۔ وخت اس کہ پاکستان اٹ 35جرمن کمپنی سرسہبی اٹ کاریم کننگ ءُ۔
