اسلام آباد۔ 31اگست (اے پی پی) بنجائی وزیر حوالکاری و شینکاری چوہدری فواد حسین پارینے کہ شہباز شریف و بلاول بھٹو گچین کاری اصلاحات و پی ڈی ایم نا اسہ لوز اس ہم خوانتنو، داوڑنا مخلوق پاکستان نا سرکڑدہ ئی نا خواہندار ءُ، ہرافتا فیصلہ غاتے پین اس کیک۔ سے شنبے نادے آ بنجائی وزیر حوالکاری چوہدری فواد حسین پارے کہ شہباز شریف و بلاول بھٹو الیکشن اصلاحات و پی ڈی ایم نا اسہ لوز اس ہم خوانتنو، ونئے اوفتے سماءِ کہ سلاہ انت اسے۔ اوپارے کہ ننا داڑے اپوزیشن نا اسہ ہی کڑد اسے کہ حکومت نا مخالف شیطان تون ہم سیوت مرے تو کروئی ءِ۔ ہموفک پاکستان نا سرکڑدہ ئی نا خواہندار ءُ ہرافتا تینا فیصلہ غاتے ہم پین اس کیک۔
