اسلام آباد۔ 31اگست (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و این سی او سی نا سروک اسد عمر پارینے کہ پاکستان اٹی اسہ دے اٹی غٹ آن زیات کورونا دین آن بچفنگ نا ویکسین خلفنگ نا ریکارڈ جوڑ مسنے۔ سے شنبے نادے آ تینا ٹویٹ اٹی اوپارے کہ تدوک آ دے 14لکھ 5ہزار 352بندغ آک ویکسین نا خور خلفینو۔ داکچ مچ آ ملک اٹی ہڑدے ئی ویکسی نیشن نا داتم اسکان غٹ آن زیات ءِ۔ جم وڑاٹ 5کروڑ 51لکھ 78ہزار 137شاری ویکسین نا خور خلفینو۔ اومخلوق آن اسہ وار ولدا پبی خواست کرینے کہ او کورونا ایس او پی تیا عمل کیر و زوت آن زوت ویکسین خلفر تانکہ دا ہلوک آ دین آن جان ءِ خلاس کننگ مرے۔
