اوگانستان ءَ ایمنی ءِ برجائی ءَ چہ نیامی ایشیائی ملک آنی گوما مئے تجارتی ءُ اقتصادی رابطہ آنی تہ ءَ باز ترندی کئیت، شاہ محمود قریشی

اسلام آباد۔30اگست  (اے پی پی): وزیر ءِ درئی کار مخدوم شاہ محمود قریشی ءَ گوشت کہ اوگانستان ءَ ایمنی  ءُ برجائی ءَ چہ  نیامی ایشائی ملک ءِ گوما مئے تجارتی  ءُ  اقتصادی رابطہ آنی تہ ءَ باز تندی کئیت، مئے حکومت ڈن ملک ءَ نندوکیں پاکستانی آنی گہبودی ءُ  ایشانی جیڈھ آناں اول سرئی بنیات ءَ گیوار کنگ ءِ واستہ  جزمیگ انت۔ اے گپ آئی ءَ دو شمبے ءَ  وزارت ءِ درئی کار ءَ اقتصادی سفارت کاری ءِ  ھوالگ ءَ دیوان ءِ سروکی  ءَ کنان ءَ کت۔  دیوان ء۔ سیکرٹری درئی کا سہیل محمود  ،سپیشل سیکرٹری رضا بشیر تارڑ  ءُ وزارت ءِ درئی کار ءِ کلانہ ایں اپسرگ وھدیکہ دیوان ءَ رکمانستان، آزربائیجان، کرغزستان، تاجکستان، ازبکستان، سری لنکا، بنگلہ دیش، نیپال، مالدیپ، برونائی ءَ پوسٹیں پاکستنای سفیر آں ویڈیو لنک ءِ وسیلگ ءَ  بھر زوری کت۔  شاہ محمود قریشی  ءَ گوشت کہ  انچوش کہ شما زان اِت کہ  ما وتی  سرڈگاری ارزشتی ایں اقتصادی کار آنی ھوالگ ءَ دلگوش کتگ ، منا امیت انت کہ  شمے گیشینتگیں سیم سر آنی در جنگ ءِ واستہ ” اقتصادی سفارت کاری” ءَ را جوانیں  رنگ ءَ کار مرز  کناں۔  وزیر ءِ درئےی کار ءَ اقتصادی سفارت کاری ءِ ھوالگ ءَ  سفیر آنی  کوشست آناں ساڑات۔