طالبان ءِ گوما روگ ءُ آیگ آنی وسیلگ ءَ    جوانیں حکومت ءِ برجائی ءُ  بنی آدمی ھک آنی شپر ءَ را دل یکیمی جوڑ  کنگ بوت کنت، اوگانستا ن ءَ را  ایوک یل کنگ ءَ چہ نوکیں  ڈکال ءِ ودی بوت کنت، مشیر  برائے راجی سلامتی ڈاکٹر معید یوسف ءِ اوگانستان ءِ جاور ھال آنی سر ءَ ھیال ریچی

اسلام آباد۔30اگست  (اے پی پی): مزن وزیر ءِ مشیر برائے  راجی سلامتی ڈاکٹر معید  یوسف ءَ میاں اوستمانی برات آنی سر ءَ زور پر دات کہ اوگانستان ءِ جیڈھ ءِ ھوالگ ءَ گوستگیں حکومت آنی ردئیگ آں چہ سبک در جنان ءَ دیم ءَ  جنزگ لوٹ ایت، اوگانستان ءَ را ایوک یل دیگ ءَ چہ یک نوکیں  ڈکال ءِ ودی بوت کنت، طالبان ءِ گوما رابطہ ءِ وسیلگ ءَ  لس ءُ    جوانیں   حکومت ءِ جوڑ بیت ءُ بنی آدمی ھک آںی شرپ ءَ را دل یکیمی جوڑ کنگ بوت کنت، دگنیا اوگانستان ءَ چہ  لڈ ءُ بار کنوک آنی  ڈکالی ءِ آماچ بوھگ ءِ گر ءُ دار ءِ واستہ کار بکنت۔ آ دو شمبے ءِ روچ  ءَ اوگانستان ءِ جاور ھال آنی سر ءَ  ھیال ریچی  کنگ ءَ ات۔  آئی ءَ اوگانستان ءِ جیڈھ  ءِ تاریخی پشدر، امریکہ ءَ ھوار  میاں اوستمانی ھاٹیگ آنی رد ءُ پاکستان ءَ را اوگانستان ءِ جیڈھ آنی سبب ءَ  رستگیں تاوان ءُ ایشی ءِ قربانی آناں سہرا  کت۔  آئی ءَ گوشت کہ 90 ءِ زمانگ ءَ ھم  پاکستان ءَ اوگانستان ءِ جیڈھ ءِ گیواری ءِ واستہ سرجمیں  کمک  پجاری  کتگ پڑ ءَ ایمنی ءُ برجائی ءِ واستہ قربانی داتگ بلے اوگانستان ءَ دراج بُریں جنگ ءُ بدامنی ءُ مہاجرین آنی آمد ءِ سبب ءَ پیداک بوھوکیں ٹوھیں جیڈھ آنی  گوما دیم پہ دیمی   ءِ واستہ پاکستان ءَ ناں ایوک ءَ  یل  کنگ بوتگ بلکینگ ءَ ایشی ءِ سر ءَ بندش ھم جنگ بوتگ۔  آئی ءَ گوشت کہ اوگانستان  سرجمیں رنگ ءَ تباھی ءِ آماچ  بوتگ ، ھمے جاور آنی تہ ءَ طالبان دیم ءَ سہرا بوتگ انت۔ معید یوسف ءَ گوشت کہ گوستگیں  وھد ءَ میاں اوستمانی  طاقت آنی نیمگ ءَ پاکستان ءُ اوگانستان ءَ را ایوک یل کنگ یک ٹوھیں مزنیں ردئی بوتگ ایشی ءِ سبب ءَ اوگانستان ءَ  ھورکیں جاہ پیداک بوتگ  ایشی ءِ پُر کنگ ءِ واستہ القاعدہ وڑیں گل   آں جاہ وتی واستہ بنائینتگ۔   آئی ءَ گوشت کہ نائن الیون ءَ چہ  پد  پاکستان ءِ جیڈھ آںی تہءَ گیشی بوتگ۔ امریکی ارش  ءَ چہ پد مہاجرین  آنی  زور یک رند ءِ پد ءَ  پاکستان  ءِ سر ءَ اتکگ، پاکستان ءِ واستہ گیش جیڈھ پیدا ک بوتگ وھدیکہ  اے ساھت ءَ پاکستان ءَ را روبرکتی سیم سر آنی سر ءَ دلگوشی کنگ ءِ ضلورت  ات رو در اتکی سیم سر آنی سر ءَ بھارت  ءَ ھم وتی  روگ ءُ آیگ  گیش کتگ انت ایشی ءِ سبب ءَ پاکستان ءَ را یکیں وھد ءَ روبرکت ءُ رودراتک سیم سر  آنی سر ءَ  دزگٹ کنگ بوتگ۔  اے  جاور ھال آنی ھوالگ ءَ بھارت ءِ کرد  ءَ را پھمگ ءِ ضلورت انت آئی ءَ وت  جوڑیشت کتگیں  ڈکال چیا پیداک کتگ۔