راجی سلامتی ءِ لوٹ ءُ میاں اوستمانی زمہ واری آنی بابت ءَ جوانی ءَ سرپد آں، کابل ائیر پورٹ ءِ سر ءَ ارش ءَ چہ پد   درکپگ ءِ واستہ 3 ہزار مردم آناں ٹرانزٹ ءِ آسراتی پجاری کتگ،   یک ھم مردمے ءَ را  ریفیوجی ءِ بستار نہ داتگ، وزیر ءِ  تہی کار شیخ رشید احمد ءِ میڈیا ءَ گوں تران

اسلام آباد۔30اگست  (اے پی پی): وزیر ءِ تہی کار شیخ رشید احمد ءَ گوشت کہ کابل ائیر پورٹ ءِ سر ءَ ارش ءَ چہ پد  در کپگ ءُ لڈگ ءِ واستہ 3 ہزار مردم آناں ٹرانزٹ ءِ آسراتی پجاری کتگ، یک مردمے ءَ را ریفیوجی ءِ بستار نہ داتگ، ما وتی راجی سلامتی ءِ لوٹ ءُ میاں اوستمانی زمہ واری آں چہ  شر سرپد آں، ایمنی ءِ واستہ پاکستان ءَ چہ گیش قربانی  کس نہ داتگ،  مئے بے دروریں فوج سیم سر آنی رکھینگ ءُ پاسپانی ءَ چہ شر سرپد انت۔ دگنیا ءِ درستاں چہ مستریں سیاست پاکستان ءِ  چپ ءُ چاگرد ءَ بوھگیانت، اپوزیشن گیر زمہ واری ءِ درشان ءَ مکنت، اسلام آباد ءَ آیوکیں  مردم وتی شوک ءَ  پیلو بکن انت، کانود ءِ رد ءَ آ وانی گوما سلوک کنگ بہ بیت  ھمیشی  آ  کرز انت۔ دو شمبے ءِ روچ ءَ ادا میڈیا ءَ گوں تران کنان ءَ وزیر ءِ تہی کار ءَ گوشت کہ پاکستان یک زمہ واریں ملک انت ما ایٹمی  ملک ءِ آں ءُ سپر پاور آنی گوما مئے سیم سر انت۔