اسلام آباد۔30اگست (اے پی پی): مزن وزیر عمران خان ءَ چیف سیکرٹریز آناں حکم داتگ کہ آ بنیاتی ھمروچگیں سامان آنی نیاد آناں برجا کنگ ھاسیں رنگ ءَ منڈی ءُ پرچون ءِ نیاد ءَ بے سر ءُ پادیں پرک ءَ را ھلاس کنگ ءِ ھوالگ ءَ انتظامی گامگیج آناں دل یکیمی بکن انت، شکر ءُ گندم ءِ پکوئیں ضلورت ءِ رد ءَ سرجمیں منصوبگ بنید ءُ وھد ءُ موہ …
بنیاتی ھمروچگیں وردنی سامان آنی نیاد آنی برجائی، منڈی ءُ پروچون ءِ نیاد آنی تہ ءَ پرک ءَ را ھلاس کنگ ءِ گامگیج ءَ را دل یکیمی جوڑ کنگ بہ بیت، مزن وزیر عمران خان ءِ چیف سیکرٹریز آناں حکم
گیشتریں ھال
اسلام آباد۔30اگست (اے پی پی): مزن وزیر عمران خان ءَ چیف سیکرٹریز آناں حکم داتگ کہ آ بنیاتی ھمروچگیں سامان آنی نیاد آناں برجا کنگ ھاسیں رنگ ءَ منڈی ءُ پرچون ءِ نیاد ءَ بے سر ءُ پادیں پرک ءَ را ھلاس کنگ ءِ ھوالگ ءَ انتظامی گامگیج آناں دل یکیمی بکن انت، شکر ءُ گندم ءِ پکوئیں ضلورت ءِ رد ءَ سرجمیں منصوبگ بنید ءُ وھد ءُ موہ ءِ سر ءَ گامگیج ءَ را دل یکمی کنگ بہ بیت۔ دو شمبے ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءِ سروکی ءَ بنیاتی ھمروچگیں سامان آنی لوٹ ءُ رسد ءُ ایشانی نیاد آںی ھوالگ ءَ چار ءُ تپاسی ءِ دیوان برجم دارگ بوت۔ دیوان ءَ وزیر ءِ ھزانگ شوکت ترین، وزیر ءِ صنعت ءُ پیداوار ءُ مخدوم خسرو بختیار، وزیر ءِ منصوبگ بندی اسد عمر، وزیر ءِ وردن ءُ وراک سید فخر امام، مشیر تجارت عبدالرزاق دائوڈ، وزیر ءِ مملکت برائے اھوالکاری فرخ حبیت، ھاسیں کمکار ڈاکٹر شہباز گل، ڈاکٹر ثانیہ نشتر، جمشید اقبال چیمہ ءُ سیادی داروکیں وزارت آنی سیکرٹری صاحب آں بھر زوری کت۔ صوبائی چیف سیکرٹری صاحب ءُ کلانہ ایں اپسرگ آں ویڈیو لنکءِ وسیلگ ءَ بھر زوری کت۔
