سلاھ بندیں ارد آں غازی ءُ شہید آناں سلام ءُ  توسیپءُ ستا پیش کنگ ءِ واستہ لُکوکیں  وھد ءُ پاس ءِ نوکیں ویڈیو ءِ جاڑی کت

راولپنڈی۔30اگست  (اے پی پی):یوم دیمپانی ءُ  شہید آنی رد ءَ  سلاھ بندیں ارد آں غازی ءُ شہید آناں  سلام ءُ توسیپ ءُ ستا پیش کنگ ءِ واستہ لُکوکیں وھد ءُ پاس ءِ نوکیں ویڈیو جاڑی کنگ بوتگ۔ پاک فوج ءِ شوبگ  ءِ نیمگ ءَ چاگردی رابطہ آنی ویب سائٹ ءِ سر ءَ جاڑی بوتگیں ویڈیو ءَ وطن ءِ  سپاھیگ آنی  قربانی آناں سہرا کنگ بوتگ۔ ڈی جی آئی ایس پی آر میجر جنرل بابر افتخار ءَ چاگردی رابطہ آںی ویب سائٹ ٹوئٹر ءِ سر ءَ چارمی لُکوکیں  ویڈیو جاڑی کتگ۔ ویڈیو ءَ پیش دارگ بوتگ کہ یک فوجی  ورنائے ءَ وتی زھگ ءِ ودی بوھگ ءِ ھال  وطن ءِ پرز آنی پیلو کنگ ءِ ساھت ءَ   رس ایت۔  ایشی ءَ چہ پد آ  ءُ آئی ءِ ساتھی  اے وشیں ساھت ءَ چتور  گوں  شاتکامی ءَ گوازین انت۔ ڈائریکٹر جنرل آئی ایس پی آر ءِ نیمگ ءَ ٹویٹر ءِ سر ءَ جاڑی بوتگیں کلوہ ءَ گوشگ بوتگ کہ یوم ءِ دیمپانی ءِ رد ءَ سلاھ بندیں ارد ءِ غازی  ءُ آئی ءِ گس ءِ مردم  آنی جزم ءُ دلبڈی ءَ را سلام پیش کناں۔ شہید ، غازی ءُ آئی ءَ گوں  بندوکیں توامیں رشتہ آناں سلام، شہدائے پاکستان مئے پھر انت۔