کابل۔30اگست (اے پی پی):کابل بالی پڑ ءَ دوشمبے ءِ سھب ءَ بے کساس راکٹ جنگ بوتگ وہدے کہ امریکی فوج وتی شہری ءُ وتی منوکاناں درکنگ ءِ ھاترءَ آپریشن کنگ ءَ اِنت۔ فرانسیسی حال رسانکی ادارگ ءِ گشگ ءِ ردءَ دوشمبے ءِ روچءَ مردمانی درکنگ ءَ چہ پیسر اوگان بنجاہی حکومت کابل ءَ راکٹ جنگ ءِ توار اَتکگ اَنت۔ وائٹ ہاؤس ءِ پریس سیکرٹری جین ساکی ءَ گشتگ کہ امریکی صدر جوبائیڈن ءَ را کابل بالی پڑ ءِ نیمگ ءَ چہ راکٹ جنگ ءِ ہوالگءَ شونست دیئگ بوتگ کہ آئی ءِ تہا آئی ءَ را حال دیئگ بوتگ اوگانستان ءَ امریکی آنی درکنگءِ آپریشن بے اوشت ءُ مشکل ءَ جاری اِنت۔ فرانسیسی حال رسانکی ادارگ ءِ گشگ ءِ ردءَ ساکی ءَ دوشمبےءِ روچءَ یک بیان ءَ گشتگ کہ صدر ءَ اے موہ ءَ چہ پیسر داتگیں حکم آنی بابت ءَ گشتگ کہ امریکی کمانڈر آناں اوگانستان ءَ چہ درکنگ ءِ وہد ءَ امریکی فوج ءِ رکینگ ءَ را دو درسد گیش کنگ لوٹ ایت۔
