اسلام آباد۔ 30اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ وزیراعظم عمران خان پاکستان ڈیموکریٹک موومنٹ(پی ڈی ایم) نا وڈی خورراہشون تے وڈی خوری کیس آتے ٹی این آر او یا ہچ وڑنا ریلیف تفک، پاکستان تحریک انصاف (پی ٹی آئی) حکومت لٹ و پل و دُز آتیان قومی دولت نا ہلنگ کن سنبرینگوک ءِ دُن کہ پنجاب اینٹی کرپشن ڈیپارٹمنٹ لٹ وپل کروک آتیان 450بلین روپئی دوئی کرینے۔ نجی ٹی وی چینل نا پروگرام اٹی گپ وتران کرسا اوپارے کہ مولانا فضل الرحمان نا داوخت آ ملکی سیاست اٹی ہچ ءُ اسٹیک اس اف، او ملکی تاریخ اٹی اولیکو وار سیاسی وڑاٹ بے روزگار مسنے ہنداخاطرآن ناپاک سیاسی مسخت آتا دوئی کننگ کن مدرسہ غاتا چناتے اسپرنا وڑاٹ کاریم اٹ اتنگ ءِ ولے اوتینا مسخت آتے ٹی اسل سرسہب مفک۔ شہباز گل پارے کہ پاکستان مسلم لیگ ن نا ورکرآک تینا سرکڑدہ نا کرپشن نا بارواٹ جوانی اٹ بلد ءُ و ہنداخاطرآن اوفک مایوس ءُ۔
