اسلام آباد۔ 30اگست (اے پی پی) بنجائی وزیر حوالکاری و شینکاری چوہدری فواد حسین پارینے کہ شہباز شریف لکھ آ مخلوق ءِ اسلام آباد اٹی مچ کننگ نا جاگہ غا تینا ایلم ءِ برطانیہ غان وطن آ پدی بٹنگے، ہراوڑ او جہانی واکدارآتا خوشنودی ءِ دوئی کننگ خواہک او شرم انا سوب ءِ، مچ آ دنیا نا چکار داوخت آ اوغانستان آٹی ءِ وخت اس کہ مسلم لیگ ن دابارواٹ اسہ لوز اس ہم پاتنے۔ داخیال آتا درشانی ءِ او دوشنبے نادے آ شہباز شریف نا پریس کانفرنس آ ردعمل ظاہرکرساکرے۔ اوپارے کہ اینو سہب اتون شہباز شریف قائد اعظم محمد علی جناح نا مزار آ ملنڈی ءُ پریس کانفرنس اس کرے۔ اودے مشورہ ءِ کہ اگہ مسخرہ نا موڈ اٹی مرے تو داوڑنا جاگہ غاتیا ہنپ بلکن تینا ہنکین آ داوڑنا پریس کانفرنس کے۔ چوہدری فواد حسین پارے کہ او لکھ آ مخلوق ءِ اسلام آباد اٹی مچ کننگ نا جاگہ غا تینا ایلم ءِ برطانیہ غان وطن آ پدی بٹنگے۔ شہباز شریف نا ایلم وطن آ پدی برسا تینا برخلاف مقدمہ غاتون مون ایتے۔ اوتینا نواسہ نا برام آ اسہ ملین ڈالر خڑچ کرے۔
