راولپنڈی۔ 30اگست (اے پی پی) یوم دفاع و شہید آتا رداٹ سلہہ بند فوج انا غازی و شہید آتے سلام و خراج عقیدت پیش کننگ کن گونڈءُ پوسکن ءُ ویڈیو اس جاری کننگا۔ پاک فوج انا شعبہ تعلقات عامہ نا کنڈآن راجی رابطہ غاتا ویب سائٹ آ جاری ویڈیو ٹی وطن نا محافظ آتا قربانی تے تالان کننگانے۔ ڈی جی آئی ایس پی آر میجر جنرل بابر افتخار راجی رابطہ نا ویب سائٹ ٹویٹر آ چارمیکو گونڈ ءُ دورانیہ نا ویڈیواس جاری کرے۔ ویڈیو ٹی نشان تننگانے کہ اسہ فوجی ورناسے تینا مارانا ودی مننگ نا خبر سیم آ دفاع وطن نا فرض انا سرتننگ اٹی ملک اوکان پد او و اونا سنگت ورنا خوشی نا داوخت آتے امر بشخرہ۔ ڈائریکٹر جنرل آئی ایس پی آر نا کنڈآن ٹویٹر آ جاری کلہو اٹی پاننگانے کہ یوم دفاع نا رداٹ سلہہ بند فوج انا غازی و اوفتا خاہوت آتا عزم و حوصلہ ءِ سلام پیش کینہ۔ شہید، غازی و اوفتے تون تفوک غٹ رشتہ غاتے سلام، پاکستان نا شہید آک ننا گمر ءُ۔
