اسلام آباد۔ 30اگست (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 66مرک مس ہرافتیان 26مرک وینٹی لیٹرآتیا ساڑی ناجوڑ آتا ئسر۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24گھنٹہ ٹی مچ آ ملک اٹی 3ہزار 800بندغ آتا کوویڈ۔ 19ٹیسٹ مثبت بس۔ ملک انا 4بھلا شار تے ٹی وینٹی لیٹرآتیا کوویڈ۔ 19نا ناجوڑ آتا بیٹ کچ انا رداٹ بہاولپور اٹی 47درسد، لاہور اٹی 50درسد، ملتان اٹی 70درسد و پشاور اٹی 41درسد ناجوڑ ءُ۔ ہنداوڑاٹ ملک انا چار بھلا شارتے ٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ ایبٹ آباد اٹی 67درسد، صوابی ٹی 81درسد، سوات اٹی 79درسد و پشاور اٹی 58درسد ناجوڑ ءُ۔ تدوک آ 24گھنٹہ ٹی کوویڈ۔، 19نا 56ہزار 279ٹیسٹ کننگا ہرافتیان سندھ اٹی 15ہزار 836، پنجاب اٹی 22ہزار 658، خیبرپختونخوا ٹی 5ہزار 195، اسلام آباد اٹی 6ہزار 330، بلوچستان اٹی 870، گلگت بلتستان اٹی 534ٹیسٹ کننگا، آزاد کشمیر اٹی856ٹیسٹ اوار ءُ۔ داتم اسکان مچ آ ملک اٹی کوویڈ۔ 19آن دراخ جوڑ مروک آتا کچ 10لکھ 36ہزار 921مسنے۔ بلوچستان، آزاد کشمیر و گلگت بلتستان اٹی کوویڈ۔ 19نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19کن جتا وینٹی لیٹرآتیا 532ناجوڑ ءُ۔ پنجاب اٹی 11ہزار 823مرک وخت اس کہ تدوک آ بیست ءُ چار گھنٹہ ٹی 19ناجوڑ ہسپتال آتے ٹی وخت اس کہ 5ناجوڑ اُراتے ٹی قرنطینہ ٹی دادین آن زوال کریر، خیبرپختونخواٹی 4ہزار 944مرک وخت اس کہ تدوک آ بیست ءُ چار گھنٹہ ٹی 17ناجوڑ ہسپتال آتے ٹی دادین آن زوال کریر، اسلام آباد اٹی کل 836مرک وخت اس کہ تدوک آ بیست ءُ چار گھنٹہ ٹی 2ناجوڑ ہسپتال آتے ٹی دادین آن زوال کریر۔ بلوچستان اٹی کل 338مرک، گلگت بلتستان اٹی 173مرک، آزاد کشمیر اٹی دادین آن 695مرک وخت اس کہ تدوک آ بیست ءُ چار گھنٹہ ٹی 1ناجوڑ اس ہسپتال اٹی دادین آن زوال کرے۔ داتم اسکان مچ آ ملک اٹی کوویڈ۔ 19نا 1کروڑ 77لکھ 4ہزار 220ٹیسٹ کننگانے۔ مچ آ ملک اٹی کوویڈ۔ 19نا درمان کن جتا 639ہسپتال آتے ٹی 6ہزار 150ناجوڑ درمان مننگ ءُ۔
