کوئٹہ۔ 30اگست (اے پی پی) ترجمان حکومت بلوچستان لیاقت شاہوانی پارینے کہ مچ آ صوبہ ٹی ساڑی آ کورونا حالیت آک مستین نا رداٹ گچین ءُ، ولے داسہ ہم اگہ نن احتیاط کتون تو حالیت آتا مون ءِ توننگ مشکل مریک، ہنداخاطرآن ننے حکومت نا کنڈآن تروک آ ایس او پی تیا عملدرآمد کروئی مریک اگہ نن رکھی گام گیج اختیار کتون تو حالیت بھاز خراب مریک ہرانا مون ءِ توننگ مشکل مریک۔ داخیال آتا درشانی ءِ او دوشنبے نادے آ ”اے پی پی“ تون گپ وتران کرساکرے، ترجمان حکومت بلوچستان پارے کہ صوبہ ٹی کورونا ویکسین حکومتی جوڑکروک آ ہند آتے ٹی بھلو کچ اسے ٹی ساڑی ءِ ننے مرے کہ نن تینٹ ہم ویکسین کرفن و داڑکن تینا خاہوت نا بندغ سنگت و رشتہ دار آتے ہم اتین کہ او ہم ویکسین کرفر ہراکورونا کن بے کچ المی ءِ اوپارے کہ حکومت اولیکو دے آن کورونا نا توننگ کن گچین گام گیج کرینے داراٹ الس اٹ شعور و آگاہی نا بابت چندی ذریعہ اٹ کمپین چلیفنگا ہرانا مستین اٹ خاطرخواہ نتیجہ بس ہرانا سوب آن مچ آ صوبہ ٹی کورونا نا کیس آتے ٹی کمتی بس و دابیرہ الس نا کنڈآن رکھی گام گیج اختیار کننگ و حکومتی کہول آ گچین گام گیج کننگانے۔ اوپارے کہ داسہ ہم الس ءِ مرے کہ او حکومت نا کنڈآن تروک آ پارت آتیاعمل کے تانکہ نن صوبہ و مل کءِ دا چارمیکو وخطرناک ریسہ غان رکھ تخنگ کین، اوپارے کہ اگہ ہنداوڑ کورونا کیس آتے ٹی ودکی مرسا کرے تو حکومت ءِ مجبورا سخت گام گیج ہرفوئی تمک ہنداخاطرآن الس ءِ مرے کہ او حکومتی کنڈآن تروک آ پارت آتیا عمل کے تانکہ اوتینٹ ہم رکھ مریر و تینا خاہوت ءِ ہم رکھ تخر۔ ترجمان حکومت بلوچستان لیاقت شاہوانی پارے کہ کورونا دین انا تالانی ءِ توننگ اٹ حکومتی گام گیج آک داخہ در اہمیت تخپسہ ہراتم اسکان الس نا کمک مف۔
