مزن وزیر عمران خان  ھما ایوکیں لیڈر انت کہ  آئی ءَ السی ازمت آنی ایجنڈا آنی پد ءُ رند کتگ،پیپلز پارٹی  ءُ ن لیگ ءَ باریگ باریگ ءِ سر ءَ  دزئی ڈنگی ، منی لانڈرنگ ، دروگیں اکائونٹس آں ابید اچ نہ کتگ ، فرخ حبیب

اسلام آباد۔29اگست  (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ مزن وزیر عمران خان  ھما ایوکیں لیڈر انت کہ آئی ءَ السی ازمت ءَ ایجنڈا آنی پد ءُ رنگ کتگ،  پیپلز پارٹی ءُ ن لیگ ءَ باریگ باریگ ءِ سر ء۔ دزئی دنگی، منی لانڈرنگ ، دروگیں اکائونٹس آں ابید اچ نہ کتگ،  اگاں آواناں الس ءِ ازمت ءِ  سر ءَ دلگوشی بکت انت  گڈا پی ٹی آئی ءِ ایوکیں حکومت انت  کہ آئی ءَ ھمک سال صوبگ ءَ را این ایف سی ءَ ابید  ھمکچیں موہ پجاری کتگ۔  سندھ ءِ حکومت ءِ کرپشن ءِ بے  کساس کسو است انت ،  یک شمبے ءِ روچ ءَ بلاول زرداری ءِ بیان ءَ  وزیر ءِ مملکت فرخ حبیب ءَ گوشت کہ بلاول  صاحب، مرچی ءَ  تاں شما  اے گوشت نہ کن ات کہ این ایف سی ءِ رد ءَ بنجاھ ءِ نیمگ ءَ داتگیں 1900 ارب کلدار کجا  کارمرز  بوتگ انت۔   دروگ، کرپشن ، منی لانڈرنگ ، دروگیں اکاونٹس پیپلز پارٹیءِ پجار  جوڑ بوتگ۔ پرچی میئرمین صاحب، سلیکٹڈ ءِ توسیپ    ترا پٹ بیت۔ آئی ءَ گوشت کہ بلاول صاحب، تئی کار کرد ھمیشن انت کہ زرداری ءِ  زھگ ات،  اچبر سیاسی جہد ءُ کوشست ءَ ھوار نہ بوتگ ات۔