ملتان۔29اگست (اے پی پی): وزیر ءِ درئی کار مخدوم شاہ محمود قریشی ءَ گوشت کہ پی ڈی ایم ءِ بے موسمی جلسہ آں چہ حکومت ءَ را اچ رنگیں تر س ءُ بیم نیست، اپوزیشن بے وھد ءَ زھیر نالگ ءَ انت۔ پی ڈی ایم ءِ بے موسمی جلسہ کورونا ھوپ ءِ شنگ ءُ تالان بوھگ ءِ سبب جوڑ بنت۔ ھوپ ءِ ترس ءِ کم بیت گڈا اپوزیشن جلسہ ءِ شوک ءَ پیلو بکنت۔ گوستگیں 3 سال ءَ پی ڈی ایم ءِ توامیں تحریک ناکام بوتگ انت۔ پی ڈی ایم نوں وتی نوکیں چال ءِ چلائینگ لوٹ ایت وتی شوک ءَ پیلو بکنت۔ گوست ءِ وڑ ءَ ناکامی مقدر جوڑ بوتگ۔ ھما مردم کہ عمران خان ءَ چہ استعفیٰ گرگ ءَ در کپتگ بوتگ انت آ کجا شت انت۔ پی ڈی ایم ھلاس بوتگ۔ اے ھیالانی درشانی آئیءَ گوستگیں روچ ء۔ این اے 156 ءِ جتا جتائیں یونین کونسل آنی وش اتکی مراگش ءُ ڈل آں گوں تران کنان ءَ کت۔ آئی ءَ گوشت کہ چار ملکی تر ءُ تاب کامیات بوتگ۔ اے تر ءُ تاب ءِ ساھت ءَ بوھوکیں گند ءُ نند ءَ اوگانستان ءِ ھوالگ ءَ آئی ءِ لیکہ آنی شوہازگ ءِ موہ رستگ۔ پاکستان پڑ ءَ ایمنی ءِ واھشت ءَ زوران ءَ دیم ءَ جنز گ ءَ انت۔ اوگانستان ءَ ایمنی باز المی انت۔ چیا کہ اوگانستان ءِ ایمنی ءَ چہ ناں ایوک ءَ پاکستان بلکینگ ءَ سرجمیں پڑ ءِ ایمنی بندوک انت۔ پاکستان اوگانستان ءَ انچیں سیاسی گیش ءُ گیواری ءِ لوٹ ایت کہ توامیں شریکدار یک مشت بہ بنت ءُ پڑ ءَ مھکمیں ءُ پکوئیں ایمنی ءِ برجا بہ بیت۔ آئی ءَ گوشت کہ اوگانستان ءِ استیں جاور ھال آنی ھوالگ ءَ ترس ءُ بیم است انت۔ آئی ءَ گوشت کہ مارا تیار بوھگ لوٹ ایت۔ آئی ءَ گوشت کہ ما پاکستان ءِ گوما بارڈر ءَ را بند نہ کتگ۔ بارڈر مینجمنٹ ءِ ھوالگ ءَ گامگیج کنگ ءَ آں اچ کس کاگد ءُ مسل ءَ بگیر سیم سر آں اے دیم مہ بیت۔
