اسلام آباد۔28اگست (اے پی پی): مزنو زیر عمران خان ءَ سکول کرکٹ ءِ واستہ ھاسیں ءُ ڈومیسٹک کرکٹ ءِ واستہ ھاسیں فریم ورک ءِ منظوری داتگ ءُ سکول کرکٹ ملک ءَ کرکٹ ءِ گواچنی ٹیلینٹ ءَ را سہرا کنگ ءُ دیم ءَ آرگ ءِ واستہ سیت ایگ انت۔ مزن وزیر کارگس ءِ نیمگ ءَ جاڑیگیں بیان ءِ رد ءَ مزن وزیر عمران خان ءَ را شمبے ءِ روچ ءَ ادا پاکستان ءَ ڈومیسٹک ھاسیں رنگ ءَ سکول کرکٹ ءِ بابت ءَ پریزینٹیشن دیگ بوتگ۔ پریزنٹیشن سنٹرل پنجاپ کرکٹ ایسوسی ایشن ءِ چیئرمین عبداللہ خان سمبال ءَ تیار کتگ بوتگ۔ مزن وزیر پاکستان کرکٹ بورڈ ءِ چیر دستی ءَ چلوکیں گل سینٹرل پنجاپ کرکٹ ایسوسی ایشن (سی پی سی اے) ءِ ماڈل ءِ تویسپ کت۔ مزن وزیر ءَ سکول کرکٹ ءِ واستہ ھاسیں ءُ ڈومسٹک کرکٹ ءِ واستہ ھاسیں فریم ورک ءِ منظوری دات ءُ سی پی سی اے ءَ را اے ماڈل ءِ ریپلیکا ءَ را سرجمیں ملک ءَ ھاسیں رنگ ءَ جاڑی کنگ ءِ رایہ دات۔ مزن وزیر ءَ 15 اگست ءَ چہ نیامی پنجاپ ءَ سکول کرکٹ چیمیئن شپ ءِ بنگیج ءِ واستہ سرجمٰں کمک ءِ دل یکیمی کنائینت ءُ گوشت کہ سکول کرکٹ ملک ءَ کرکٹ ءِ گواچنی ٹیلینٹ سہرا کنگ ءُ دیم ءَ آرگ ءِ پراھ ءُ شاھیگانیں واھند ات۔
