اسلام آباد۔28اگست (اے پی پی): وزیر ءِ درئی کار مخدوم شاہ محمود قریشی ءَ گوشت کہ اوگانستان ءَ اگاں ایمنی ءُ برجائی بہ بیت گڈا ایشی ءَ سرجمیں پڑ سیت مند بیت، اوگانستان ءَ را اگاں ایوک ءَ یل کت گڈایشی ءَ چہ تاوان درستاناں بیت، اسپائلرز ءَ بھارت لڑے اول سر ءَ انت، بھارت پڑ ءِ ایمنی ءِ ھرابی ءِ رند ءَ انت، ھمساھگیں ملک اوگانستان ءِ جیڈ ھ آنی بابت ءَ سرجمیں رنگ ءَ سرپد ءُ سئیگ آں۔ شمبے ءِ روچ ءَ اوگانستان ءِ جاور ھال آنی بابت ءَ وتی بیان ءَ شاہ محمود قریشی ءَ گوشت کہ مرچی چار ملکی تر ءُ تاب ءِ ساھت ءَ سروک آنی گوما بوتگیں گند ءُ نند ءَ اوگانستان ءِ ھوالگ ءَ اے لیکہ آنی سرپد بوھگ ءَ موہ رستگ، آئی ءَ گوشت کہ ھمساھگیں ملک آنی سسا گواچنی آنی رد ءَ بوتگ، آئی ءَ گوشت کہ اگاں اوگانستان ءِ جیڈھ ھراب بوت انت گڈا درست آماچ بنت۔
