راولپنڈی ۔27اگست (اے پی پی):پاک فوج ءِ آئی ایس پی آر ءِ سروک میجر جنرل بابر افتخار ءَ گوشت کہ اوگانستان ءَ اردی جاور ھال باز ترندی ءَ گوں مٹ بوتگ انت پدا ھم پاکستان ءِ ءِ نیمگ ءَ اوگانستان ءِ سیم سر آنی سر ءَ سرجمیں رنگ ءَ جاور گر ءُ دار انت، طالبان ءِ نیمگ ءَ چہ اوگان سیم سر آناں دگہ ملک ءِ ھلاپ ءَ کارمرز نہ کنگ ءِ دل یکیمی کنائینگ بوتگ ، بھارت ءِ کرد ءَ را مدام نیگیٹیو بوتگ ایشیءِ تہ ءَ اوگانستان ءَ سرمایہ کاری ایوک ءَ پاکستان ءَ را تاوان دیگ ءِ نیت ءَ کتگ، پاکستان ء۔ ایمنی اوگانستان ءَ دراج بُریں ایمنی ءَ گوں بندوک انت۔ پاکستانی راج ءِ کمک ءَ چہ سلاھ بندیں ارد ءَ ناشرکاری ءِ ھلاپ ءَ جنگ ءَ جوانیں کامیاتی در جتگ۔ آدینگ ءِ روچ ءَ ادا پریس کانفرنس ءَگوں گشتانک دیان ءَ آئی ءَ گوشت کہ اوگانستان ءَ 15 اگست ءَ چہ پد ارد ی جاور ھال گوں ترندی ءَ مٹ بوھگ ءَ انت، اچ کس ءَ اندازگ نہ بوتگ کہ اے وڑیں گوں ترندی ءَ جاور چو مٹ بنت، پاکستان ءَ استیں جاور ھال آنی رد ءَ پاک اوگان بارڈر ءَ را محفوظ جوڑ کنگ ءِ واستہ گامگیج کتگ۔ میاں اوستمانی سیم سر آنی سر ءَ پاکستانی سائیڈ سرجمیں رنگ ءَ محفوظ انت۔ آءی ءَ گوشت کہ اوگان سیم سر ءِ سر ءَ اردی ٹروپ پوسٹنگ کنگ بوتگ انت۔ سیم سر آنی سر ءَ کانودی مسل آنی بنیات ءَ روگ ءُ آیگ ءِ اجازت انت۔ آئی ءَ گوشت کہ پاکستان ءَ اوگانستان ءِ یل کنگ ءِ واھشت داریں در ملکی آنی در کپگ ءِ واستہ بالیگ آناں اجازت داتگ۔ میجر جنرل بابر افتخار ءَ گوشت کہ وھد ءِ روبرکتی سیم سر ءِ سر ءَ ناشرکاری ءِ ھلاپ ءَ آپریشن بوھگ ءَ انت ءُ رودراتکی سیم سر آنی سر ءَ بھارت ءِ نیمگ ءَ سیز فائر ءِ ھلاپ کنگ بوھگ ءَ ات گڈا اے وھد پاکستان ءَ بارڈر منیجمنٹ سسٹم ءِ بند ءُ بست کتگ۔ آئی ءَ گوشت کہ آرمی چیف جنرل قمر جاوید باجوہ ءَ سیم سر آناں محفوظ جوڑ کنگ ءِ ویژن داتگ، ارزشتیں ایں بارڈر ٹرمینلز آناں جدیدیں ٹیکنالوجی ءِ آسراتی پٹ کتگ۔ آئی ءَ گوشت کہ یوم ءِ دیمپانی ءُ شہید آنی یات ءَ روچ ءِ برجم دارگ ءِ مول ءُ مراد ھمیش انت کہ ماتیں وطن ءِ دیمپانی ءِ واستہ وتی جان آنی قربانی دیوکیں بامرد آناں توسیپ ءُ ستا پیش کنگ انت، شہری الس شہید آنی گس آں برونت ءُ آوانی ب دروریں قربانی آناں سلام پیش بکن اَنت۔
