ما طالبان ءَ را  شور ءُ  سلاھ دات کناں، ڈکٹیٹ  کت نہ کناں، طالبان  ھواریں حکومت ءِ جوڑ بکن  انت، بنجاھی وزیر اھوالکاری چوہدری فود حسین ءِ بدین پریس کلب ءِ  باسک  آنی گوما تران

اسلام آباد۔27اگست  (اے پی پی): بنجاھی وزیر  اھوالکاری ءُ شنگ کاری  چوہدری فواد حسین ءَگ وشت کہ ما  طالبان ءَ را شور ءُ مشور دات نہ کناں،  ڈکٹیٹ کت نہ کناں، طالبان   ھواریں حکومت ءِ جوڑ بکن انت، پشاور ءَ چہ مزار شریف ءُ  تاشقند ءَ تاں ریلوے ٹریک ءُ اوگانستان ءِ کشک ءَ نیامی ایشیائی ریاست آں تاں ٹرک ءِ وسیلگ ءَ تجارت ءَ را دیمروئی دیگ ءِ واستہ اوگانستان ءَ ایمنی ءُ برجائی المی انت۔ سی پیک  ءِ یورپی یونین ءَ گوں ملارینگ ءَ چہ پد پڑ ءَ معاشی چست ءُ ایر آناں  گیش دیمروئی رسیت۔ اے ھیالانی درشانی آئی ءَ بنجاھی وزیر برائے  صوبگ آنی وت مہ وتی رابطہ  کنوک ڈاکٹر فہمیدہ مرزار ءِ ھمبراہ بدین پریس کلب ءِ  باسک آنی گوما تران کنان ءَ کت۔