کورونانا کم کیس آتا رداٹ پاکستان دنیا نا 5گچین انگا ملک آتے ٹی اوار ءِ، این سی او سی

اسلام آباد۔ 27اگست (اے پی پی) کورونا نا کم کیس آتا بابت پاکستان دنیا نا 5گچین انگا ملک آتے ٹی شمار کننگک۔ این سی او سی نا رپورٹ نا رداٹ اسہ ملین نا آبادی ٹی کم آن کم کیس آتا بابت پاکستان دنیانا 5گچین انگا ملک ہرافتے ٹی چین، نائیجریا، ایتھوپیا، مصر اوار ءُ ٹی شمار کننگانے۔ داکان بیدس پاکستان کورونا ویکسین مہم نا بابت دنیا نا اولیکو 30ملک آتے ٹی اوار ءِ۔ ہیلتھ کیئر سپورٹ سسٹم نا بابت جاری حساب وکتاب نا رداٹ دین انا بناٹی ہڑدے 472ٹیسٹ انا لائخی ئس ہرادے ودفسا داسہ 80ہزار ٹیسٹ کننگانے۔ دین انا اولیکو دے آن داتم اسکان ہیلتھ کیئر سسٹم اٹی 7043آکسیجن کٹ آتے اوار کننگانے۔ آکسیجن نا گرج ءِ پورو کننگ کن آکسیجن نا پیدوار 487میٹرک ٹن ہڑدے آن ودفسا 803میٹرک ٹن کننگانے۔ 1لکھ فرنٹ لائن ہیلتھ ورکرآتا جسمانی و نفسیاتی رکھ ءِ پک کننگ کن ٹریننگ پروگرام تے اڈتننگا۔داکان بیدس بے کچ نازرک حالیت آتا کیس آتے ڈیل کننگ کن 5ہزار ہیلتھ کیئرورکرآتے ٹریننگ تننگا۔ این سی او سی پارے کہ پاکستان اِرا بالی پٹ آتیاکورونا کیس آتا پیدواری ءِ کروک آکچک آتا خذمت ءِ دوئی کروک آ دنیا ٹی اولیکو ملک ءِ۔