پنی آ صحافی غنی چوہدری جہہ جاگہ، نماز جنازہ ٹی اہم شخصیت آک بشخ ہلکر، ڈاکٹر اخترملک و جاوید ہاشمی نا ہڑزخواہی

ملتان۔ 27اگست (اے پی پی) پنی آ صحافی، ایسوسی ایٹڈ پریس آف پاکستان نا مسکوہی ایگزیکٹو ڈائریکٹر و ملتان پریس کلب نا مسکوہی صدر غنی چوہدری ءِ جمعہ نادے آ جہہ جاگہ کننگا۔ اونا نماز جنازہ ٹی پنی آ سیاست دانک، وکیل آک، طب انا چاہندارآک، ڈاکٹر و صحافی تتون اوار زند انا چندی بشخ آتیان تعلق تخوک آ بندغ آتا بھلو کچ اس بشخ ہلکر۔ نماز جنازہ ٹی ہرااہم شخصیت آک بشخ ہلکر اوفتے ٹی سینئر سیاستدان مخدوم جاوید ہاشمی، مسکوہی بنجائی وزیر مخدوم تنویرالحسن گیلانی، ملک جمال لابر، پنی آ ماہرامراض چشم ڈاکٹر نوید صادق، سینئر صحافی رشید ارشد سلیمی، مسیح اللہ جامپوری، مظہر جاوید، قاضی افتخاراحمد، رفیق ملک، ظہیر کمال، شہزاد چوہدری، رضی الدین رضی، جاوید اقبال، جہانگیر خان ترین، عاطف اسماعیل، عطاالہادی، شیخ ظفراقبال، شیخ اشفاق تون اوار اے پی پی ملتان نا ساڑی آ و مسکوہی کارندہ غاک ہم اوار ءُ۔ ایماندار نا قل خوانی ہفتہ نادے آ 28اگست آ اونا ہنکین جمیل آباد ہاؤسنگ اسکیم گیٹ نمبر2آ ادا کننگک۔ دعا سہب انا دہ بجہ غا مریک۔ داکان بیدس وزیر توانائی پنجاب ڈاکٹر اخترملک غنی چوہدری نا کزیت آ غم انا درشانی ءِ کرینے و اونا صحافی خذمت آتے خراج تحسین پیش کرے۔ مخدوم جاوید ہاشمی پارے کہ اونا صحافتی خذمت آتے مدام یات تخنگک۔ سینئر صحافی رشید ارشد سلیمی و مسیح اللہ جامپوری ئسک پاریر کہ غنی چوہدری صحافت اٹ جوان ءُ روایت قائم کرے۔ نن اسے سنگت اسے آن محروم مسن۔ مسکوہی جنرل سیکرٹری ملتان پریس کلب مظہر جاوید پارے کہ اوصحافی تا حق و کارندہ غاتا حالیت کار ءِ گچین کننگ کن ناقابل فراموش خذمت سرتس۔