جسٹس قاضی فائز عیسیٰ تینا اُرائی نا سرجری نا خڑچ آتے سرکاری خزانہ غان ہلنگ آن انکار کرے

اسلام آباد۔ 27اگست (اے پی پی) سپریم کورٹ نا سینئر جج جسٹس قاضی فائز عیسیٰ تینااُرائی سرینا عیسیٰ نا سرجری کن خڑچ آتے سرکاری خزانہ غان ہلنگ آن انکار کرے۔ جمعہ نادے آ داڑے ترجمان سپریم کورٹ نا کنڈآن جاری اعلامیہ ٹی پاننگانے کہ جسٹس قاضی فیض عیسیٰ نااُرائی ءِ گلہڑ نا مرض مون تروک ءِ ہراٹی پدریسہ ودکی مننگ ءِ، داسہ ڈاکٹر آتا ایڈوائس آ اونا سرجری ءِ کروئی ءِ۔ جسٹس قاضی فائز عیسیٰ تینا اُرائی سرینا عیسیٰ نا سرجری کن مروک آ خڑچ آتے سرکاری خزانہ غان ہلنگ آن انکارکرسا سرینا عیسیٰ نا درمان کن غٹ سفری و طبی خڑچ آتے تینا جیب آن خڑچ کننگ نا پارینے۔