اسلام آباد۔ 27اگست (اے پی پی) وزیراعظم عمران خان تون قومی و صوبائی اسمبلی نا باسک آک جمعہ نادے آ داڑے اوڑدہی کریر۔ وزیراعظم عمران خان تون اوڑدہی کروک آ قومی اسمبلی نا باسک آتے ٹی میر خان محمد جمالی، صداقت علی عباسی و وزیر توانائی پنجاب ڈاکٹر اختر ملک ئسک اوار ئسر۔ خصوصی کمکار ملک عامر ڈوگر، سینیٹرسیف اللہ نیازی و قومی اسمبلی نا باسک عامر محمود کیانی ئسک ہم اوڑدہی ٹی ساڑی ئسر۔ اوڑدہی ٹی بلوچستان اٹی پارٹی نا پوسکن تنظیم و بلوچستان نا سیاسی حالیت آتیا گپ وتران کریر۔ میر خان محمد جمالی وزیراعظم ءِ پی ایس ڈی پی ٹی بلوچستان کن ریکارڈ فنڈ انا فراوانی آ منت واری ءِ ہرفے۔ وزیر توانائی پنجاب وزیراعظم ءِ صوبہ ٹی توانائی نا ویل آتا توننگ کن چست کروک آ گام گیج آتیان معلومدار کرے۔

متعلقہ مضامینمصنف کی طرف سے مزید