سیکورٹی ءِ گہتریں جاور ھال ءُ حکومتی پالیشی ءِ ھوالگ ءَ پاکستان  سرمایہ کاری ءِ واستہ  جوان انت،  صدر ءِ مملکت ڈاکٹر عارف علوی ءِ سوئٹزر لینڈ ءَ پاکستان ءِ نامینتگیں سفیر عامر شوکت ءَ گوں  تران  

اسلام آباد۔26اگست  (اے پی پی):صدر مملکت ڈاکٹر عارف علوی  ءَ گوشت کہ پاکستان سوئٹزر لینڈ ءِ گوما یکوئی آناں گیش ارزشت دنت ایش  وت مہ وتی کمک آنی رد ءَ انت، سیکورٹی ءِ گہتریں جاور ھال ، حکومت ءِ پالیشی  ءَ چہ پاکستان ءِ جاور سرمایہ کاری ءِ واستہ باز جوان انت، سوئٹزر لینڈ ءِ گوما دو نیمگی کمک آناں گیش گہتر جوڑ کنگ ءِ واستہ سیاسی تک ءَ گیش رابطہ آنی ضلورت انت۔ اے ھیالانی درشانی آئی ءَ سوئٹزر لینڈ ءَ پاکستان ءِ نامینتگیں سفیر عامر شوکت ءَ گوں ایوان ءِ صدر ءَ گند ءُ نند ءِ ساھت ءَ کت۔ صدر ءِ مملکت ڈاکٹر عارف علوی ءَ گوشت کہ پاکستان ءُ سوئٹزر لینڈ ءِ یکوئی وت مہ وتی یکوئی  ءُ کمک آنی رد ءَ انت۔ سوئٹزر لینڈ پاکستن ءِ ارزشتی ایں تجارتی ءُ سرمایہ کاری شریکدار انت۔ آئی ءَ گوشت کہ دوئیں ملک آنی وت مہ وتی سیت آنی واستہ دو نیمگی تجارتی یکوئی آناں گیش ودینگ ءِ ضلورت انت۔ سوئس ملٹی نیشنل کمپنی آنی  گیش  بوھوکیں سرمایہ کاری پاکستان ءِ  سر ءَ دل یکیمی ءِ در شان ءَ کنت۔ آئی ءَ گوشت کہ سیکورٹی ءِ گہتریں جاور ھال، حکومت ءِ پالیشی ءَ  چہ پاکستان ءِ جاور  باز  جوان انت۔  صدر ءِ مملکت ءَ گوشت کہ سوئٹزر لینڈ ءِ گوما دو نیمگی  کمک آناں گیش گہتر کنگ ءِ واستہ سیاسی  تک ءَ گیش روگ ءُ آیگ ءِ ضلورت انت۔ نامینتگیں سفیر ملکءِ پازیٹیو رند پد آناں سہرا کنگ ءِ واستہ سوئٹزر لینڈ ءَ پاکستانی کمیونٹی ءَ را ھوار کنگ ءُ سوئس  تاجر آناں پاکستان ءَ گیش سرمایہ کاری کنگ ءِ ھیل کاری ءَ بدینت۔ آئی ءَ امیت درشان کت کہ نامینتگیں سفیر دو نیمگی یکوئی  گیش برجم کنگ ءِ واستہ مھکمیں کوشست  کناں۔