حکومت ءَ سئے سالی کار کرد ی رپوٹ جاڑی کت، بنجاھی وزیر اھوالکاری ءُ شنگ کاری چوہدری فواد حسین ءُ وزیر ءِ مملکت برائے اھوالکاری  فرخ حبیب ءَ سئے سالی کار کردی رپوٹ مزن وزیر عمران خان ءَ را پیش کت

اسلام آباد۔26اگست  (اے پی پی):  بنجاھی وزیر اھوالکاری ءُ شنگ کاری چوہدری فواد حسین ءُ وزیر ءِ مملکت برائے اھوالکاری ءُ شنگ کاری فرخ حبیب ءَ حکومت ءِ سئے سالی کار کردی رپوٹ  پنچ شمبے ءِ روچ ءَ جناح   کنونشن سینٹر ءَ برجم  داشتگیں  دیوان  ءِ ساھت ءَ مزن وزیر عمران خان ءَ را پیش کت۔ اے رپوٹ وزارت ءِ اھوالکاری ءُ شنگ کاری ءِ نیمگ ءَ رد ءُ بند کنگ بوتگ ایشی ءِ تہ ءَ کورونا ءِ رد ءَ میاں اوستمانی  اقتصادی "کساد بازاری” ءَ ابید حکومت کامیاتی آنی سر ءَ دلگوش انت۔ اے کار کردی رپوٹ ءَ نوکیں پاکستان وژن ءِ چیر دستی ءَ لس مردم ءَ را آسراتی پجاری کنگ ءِ واستہ توامیں وزارت ءُ ڈویژن آنی کوشست  آنی تران کنگ بوتگ۔  21-2018  رپوٹ 251 تاکدیم آنی سر ءَ انت ایشی ءِ تہ ءَ 44 السی ادارگ آں ھوار وزارت ، ڈویژنز ءُ ٹیپارٹمنٹس  آنی کامیاتیں کار آناں  پیش کنگ بوتگ۔ ھمک شوبگ ءِ بیست لائن  ءَ چمشانک ءَ ابید ایشی ءِ ارزشتی ایں مول ءُ مراد، اگامگیج آنی سر ءَ اپ ڈیٹس، دراج بُریں  گامگیج، کانودی ءِ جوڑیشت، پالیشی فریم ورک ءُ پائپ لائن ءَ منصوبگ آنی  سر ءَ دلگوشی کنگ بوتگ۔   مواد آنی سر ءَ چمشانک گرافس  سیادی داروکیں ھساب ءُ داد ءُ راستی آنی وسیلگ ءَ  کنگ بوتگ۔ اگست 2018 ءَ سیٹ ءَ نندگ ءَ چہ پد پاکستان تحریک انصاف ءِ حکومت  بازیں جیڈھ  ءُ جنجال آں گوں  دیم پہ دیم بوتگ اے جنجال مارا میراس ءَ رستگ انت، گریب ءُ جان سلامیت ءُ وانگ ءُ زانگ  ءِ جیڈھ ھوار  بوتگ انت، پدا ھم سئے سال ءَ دیمروئی  ءِ کشک ءَ حکومت ءَ را بازیں کامیاتی رستگ۔ حکومت ءَ کوویڈ 19 ءِ جاور ھال  آنی گر ءُ دار ءِ واستہ سمارٹ لاک ڈائون ءِ گامگیج  وتی کتگ انت۔ پاکستان ءَ را "دی اکانومسٹ” ءِ ھوپ ءَ گوں گر ءُ چیل بوھگ ءِ وستہ دگنیا ءِ سیمی گہتریں کار کرد  ءِ واستہ  دگنیا ءِ سیمی گہتریں کار  کرد پیش داروکیں  ملک نامینتگ۔ ملک ئَ 30 ملین ویکسین ءِ وردن ءُ وراک جنگ ءَ ھوار پرسنل پروٹیکشن ایکوئپمنٹس ءِ تیاری حکومت ءِ ارزشتی ایں کامیاتی انت۔  لس مردم ءِ دیمروئی ءِ واستہ حکومت ءَ کم کٹ  کنوکیں مردم آنی واستہ سستائیں نندگ جاہ "گس”  پجاری کنگ ءِ واستہ نوکیں پاکستان ہاوسنگ پروگرام،  چاگردی رکھینگ ءِ واستہ احساس پروگرام، ورنا آناں روزگار ءِ پجاری ءِ واستہ کامیات ورنا پروگرام بندات کتگ انت۔ کانود  جوڑیشت ءِ بابت ءَ 54 کانود تیار کنگ بوتگ کوڈ آف سول پروسیجر (مٹ ءُ بدلی) ایکٹ 2020 ، انفورسمنٹ آف وومن پراپرٹی رائٹس ایکٹ 2020  ءُ لیگل ایڈ اینڈ جسٹس اتھارٹی ایکٹ 2020 ھم جوار انت تانکہ چاگرد ءِ گریب  ءُ پشت مندگیں  تبک ءَ را کمک پجاری بوت بہ کنت۔