اسلام آباد۔ 26اگست (اے پی پی) پاکستان نا امریکہ ءِ گڑا وخذمت آتا واپار برجامالی سال انا اولیکو تُو اٹی تدوک آ مالی سال انا ہندا مد انا مقابلہ ٹی 63.58درسد زیات مسنو۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی 2021ء ٹی امریکہ ءِ پاکستانی برآمد آتا کچ 503.118ملین ڈالر ریکارڈ کننگا ہراتدوک آ سال جولائی نا مقابلہ ٹی 49.19درسد زیات ءُ۔ تدوک آ مالی سال جولائی ٹی امریکہ ءِ پاکستانی برآمد آتا کچ 337.22ملین ڈالر ریکارڈ کننگاسس۔ مالی سال انا اولیکو تُو اٹی پاکستان نا جم قومی برآمد آتا کچ 2.257ارب ڈالر ریکارڈ کننگا ہرا تدوک آ سال جولائی نا 1.88ارب ڈالر نا مقابلہ ٹی 19.73درسد زیات ءُ۔ حساب وکتاب نا رداٹ برمالی سال انا اولیکو تُو اٹی امریکہ غان درآمد آتے ٹی 35.19درسد نا ودکی مسنے، جولائی ٹی امریکہ غان 231.16ملین ڈالر نا درآمد ریکارڈ کننگا ہراتدوک آ سال جولائی نا مقابلہ ٹی زیات ءُ، تدوک آ سال جولائی ٹی امریکہ غان درآمد آتا کچ 170.98ملین ڈالر ریکارڈ کننگاسس، مالی سال انا اولیکو تُو اٹی پاکستان نا جم درآمد آتا کچ 5.39ارب ڈالر مس ہراتدوک آ سال جولائی نا مقابلہ ٹی 51.70درسد زیات ءُ۔ حساب وکتاب نا رداٹ برجامالی سال انا اولیکو تُو اٹی امریکہ ءِ زیات واپار نا کچ 271.95ملین ڈالر ریکارڈ کننگانے ہرا تدوک آ سال جولائی نا 166.24ملین ڈالر نا مقابلہ ٹی 63.58درسد زیات ءُ۔

متعلقہ مضامینمصنف کی طرف سے مزید