اسلام آباد۔ 26اگست (اے پی پی) پاکستان و ترکمانستان نا نیام اٹ ڈل آتا کہول آ مذاکرات پنچ شنبے نادے آ اشک آباد اٹی اڈ ہلک۔ وزیرخارجہ مخدوم شاہ محمود قریشی پاکستانی ڈل انا کماشی ءِ کرے وخت اس کہ وزیراعظم نا نمائندہ خصوصی اوغانستان ایمبیسیڈر محمد صادق، ترکمانستان اٹی پاکستان نا سفیر عرفان احمد و سفارتخانہ نا سینئر آفیسر آک ہم مذاکرات اٹی ساڑی ئسر۔ دفترخارجہ نا رداٹ مذاکرات …
پاکستان و ترکمانستان نا نیام اٹ ڈل آتا کہو ل آ مذاکرات اشک آباد اٹی اڈ ہلک
گیشتریں ھال
اسلام آباد۔ 26اگست (اے پی پی) پاکستان و ترکمانستان نا نیام اٹ ڈل آتا کہول آ مذاکرات پنچ شنبے نادے آ اشک آباد اٹی اڈ ہلک۔ وزیرخارجہ مخدوم شاہ محمود قریشی پاکستانی ڈل انا کماشی ءِ کرے وخت اس کہ وزیراعظم نا نمائندہ خصوصی اوغانستان ایمبیسیڈر محمد صادق، ترکمانستان اٹی پاکستان نا سفیر عرفان احمد و سفارتخانہ نا سینئر آفیسر آک ہم مذاکرات اٹی ساڑی ئسر۔ دفترخارجہ نا رداٹ مذاکرات اٹی پاکستان و ترکمانستان نا نیام اٹ، ہڑتوم آ کنڈآتا تعلقداری نا غٹ جہت آتا جاچ ءِ ہلنگا و ہڑتوم آ ملک آتا نیام اٹ توانائی، انسانی وسیلہ، بڑزکو کہولی ڈل آتا ہن و بر تون اوار تین پہ تینی است خواہی نا باندات آتیا سجفنگا۔ ہڑتوم آ کنڈآک ہڑتوم آ کنڈآتا تعلقداری و کثیر الجہتی بشخ آتے ٹی ہڑتوم آ کنڈآتا کمکاری ءِ پین مون آ دننگ نا عزم انا درشانی ءِ کریر۔ اوکان پد وزیرخارجہ مخدوم شاہ محمود قریشی و اونا ڈل انا شرف اٹی دے انا اِرغ اس تننگا۔
