لاہور۔25اگست (اے پی پی): مزن وزیر عمران خان ءَ شیخوپورہ ءَ پاکستان ءِ درستاں چہ مستریں رکھ جھوک سمارٹ جنگل ءِ بنگیج کت، 24 ہزار کنال ءِ سر ءَ جوڑی بوھوکیں سمارٹ جنگل راوی ریور اربن ڈویلپمنٹ اتھارٹی ءِ ارززشتی ایں منصوبگ انت۔ چار شمبے ءِ روچ ءَ مزن وزیر عمران خان ءَ جنگل ءَ نہال ءِ کشت ءُ پراجیکٹ ءِ یک شلی ءَ بنگیج کت۔ اے موہ ءِ سر ءَ سر وزیر پنجاپ سردار عثمان بزدار، مزن وزیر ءِ ھاسیں کمکار شہباز گل ءُ سی ای او راوی ریور اربن اتھارٹی عمران امین ھم ساڑی ات۔ راوی اربن اتھارٹی ءِ نیمگ ءَ ءَ مزن وزیر ءَ را سمارٹ جنگل ءِ بابت ءَ بریفنگ دیگ بوت۔ مزن وزیر ءَ را گوشگ بوت کہ سمارٹ جنگل ءَ ھمک درچک ءِ نگرانی ءِ واسزتہ سنسرز جنگ بیت۔ ءُ اے تکنیکی کار چینی کمپنی ہواوے کنت ایشی ءِ واستہ ہواوے ءُ راوی اربن اتھارٹی ءِ نیام ءَ وت مہ وتی منگ نامہ آنی سر ءَ دست چنگل ھم جنگ بوت۔ راوی اربن منصوبگ ءِ توک ءِ فروٹ ءُ درچک آں ھوار سیل ءُ سوادی جاھ ءُ ھند جوڑ کنگ بیت ءُ اے منصوبگ ءِ سیل ءُ سواد ءِ واستہ باز جوان ءُ بے مٹ جوڑ کنگ بیت۔ اے موہ ءَ مراگش ءَ گوں گشتانک دیان ءَ مزن وزیر عمران خان ءَ گوشت کہ سر وزیر پنجاپ ءِ ٹیمب ءُ ھاسیں رنگ ءَ راوی اربن پراجیکٹ ءِ سی ای او عمران امین ءَ را اے ارزشتی ایں منصوبگ ءَ توسیپ ءُ ستا پیش کناں۔ آئی ءَ گوشت کہ اے منصوبگ پاکستان ءِ راجدپتر ءِ ٹوھ تریں منصوبگ ات، ما ھما کار ءَ کنگ ءَ آں ھما ئی ءَ کہ ملک ءَ ٹوھیں مٹ ءُ بدلی ءِ سہرا بیت۔ آئی ءَ گوشت کہ اے منصوبگ پاکستان ءِ راجدپتر ءَ ٹوھیں منصوبگ انت ، ما ھما کار ءَ کنگ ءَ آں۔ آئی ءَ گوشت کہ ما آیوکیں باھند آنی واستہ گہتریں پاکستان ءِ جوڑ کناں ءُ رواں، سیاست دان بچار انت کہ ما یک نوکیں شہر ءِ ھم جوڑ کت کتگ، مارا اے گپ سوگند کنگ لوٹ ایت کہ ملک ءَ را سر سبز کنگ ءِ واستہ ما وتی کرد ءَ را پیلو کناں، اللہ پاک ءَ پاکستان ءَ را توامیں نعمت ءُ داد داتگ انت۔ مارا اے نعمت آنی شگر ءُ منت گرگی انت۔ مزن وزیر ءَ گوستگیں وھد ءَ اے پڑ ءَ کار نہ کنگ ءِ ھوالگ ءَ گوشت کہ کہ آئی ءَ گوستگیں وھد ءَ وتی چماں گوں جنگل آنی تباہ بوھگ ءَ ھلاس بوھگ دیستگ۔ ادا ھمک رنگیں جانور بوتگ جنگل آنی گوما جانور ھم کم بوتگ انت۔ آئیءَ گوشت کہ ساپیں موسم ءُ گوات ءِ واستہ جنگل المی انت بنی آدمی چاگرد ابید جنگل ءُ بیابان ءَ نا سرجم انت۔ آئی ءَ سر وزیر پنجاپ سردار عثمان بزدار ءَ را دلگوش کت ءُ گوشت کہ اے منصوبگ ءَ چہ آ مشکل آنی گوما دیم پہ دیمی کنگ ءَ انت ایشی ءِ واستہ آ وتی ٹیمب ءَ را تیار بکنت ءُ ما جزمیگ آں کہ اچ رنگیں پینگ اے پراجیکٹ ءَ را اوشت ءِ آماچ کت نہ کنت۔
