لاہور۔25اگست (اے پی پی): مز ن وزیر عمران خان ءَ چار شمبے ءِ روچ ءَ گورنر گس لاہور ءَ گورنر پنجاپ چوہدری محمد سرور ءَ گند ءُ نند کت، اے موہ ءِ سر ءَ سیاسی ءُ حکومتی کار آں ھوار پنجاپ آب پاک اتھارٹی ءِ 1500 ءَ چہ گیش جاڑیگیں منصوبگ ، جی ایس پی پلس اسٹسٹس ءَ شاھیگانی ءِ واستہ یورپی پارلیمنٹ ءِ باسک آں گوں رابطہ ءُ پنجاپ ءِ یونیورسٹی آنی تہ ءَ گہتری کار آں ابید ایندگر کار آنی ھوالگ ءَ گپ ءُ تران کنگ بوت۔ گورنر پنجاپ چوہدری محمد سرور ءَ مزن وزیر عمران خان ءَ را گوشت کہ جی ایس پی پلس اسٹیٹس ءِ تہ ءَ شاھیگانی ءِ جیڈھ ءِ سر ءَ یورپی پالیمنٹ ءِ نائب صدر ڈاکٹر فابیو ءَ ھوار ایندگر پارلیمنٹ ءِ باسک آنی گوما سرجمیں رنگ ءَ رابطہ ءَ آں ءُ زوت یورپی پارلیمنٹ ءِ تر ءُ تاب ءَ کنگ ءَ آں ایشی ءِ واستہ گامگیج آنی تیاری بندات کنگ بوتگ۔ گورنر پنجاپ ءَ مزن وزیر ءَ را گوشت کہ پنجاپ آب پاک اتھارٹی ءِ لاہور ءَ ھوار سرجمیں پنجاپ ءَ 1500 منصوبگ آنی سر ءَ گوں ترندی ءَ کار برجا انت ایشی ءِ وسیلگ ءَ کساس 8 ملین مردم آناں ورگی ساپیں آپ رسیت ءُ اے توامیں منصوبگ گوزوکیں سال دسمبر ءَ تاں سرجم کنگ بنت۔
