زیر ءِ درئی کار مخدوم شاہ محمود قریشی ءَ دوشنبے ءَ تاجک  ھمکار منصب مہرالدین ءَ گوں گند ءُ نند، دو  نیمگی یکوئی ، اوگانستان ءِ مٹ بوھوکیں جاور ھال ءُ وت مہ وتی واھگی کار آنی بابت ءَ  ھیال ریچی

اسلام آباد +دوشنبے ۔25اگست  (اے پی پی): وزیر ءِ درئی کار مخدوم شاہ محمود قریشی ءَ چار شمبے ءَ دو شنبے ءَ تاجک ھمکار مہر الدین ءَ گوں گند ءُ نند کت۔ درئی کارانی کارگس ءِ رد ءَ  گند ءُ نند ءِ ساھت ءَ دو نیمگی یکوئی، اوگانستان ءِ مٹ بوھوکیں جاور ھال ءُ وت مہ وتی واھگی کار آنی ھوالگ ءَ ھیال ریچی کت۔ وزیر ءِ درئی کار ءَ گوشت کہ دوئیں ملک آنی نیام ءَ مزن تکی روگ ءُ آیگ ءِ رچ، دو نیمگی یکوئی آنی برجا بوھگ ءِ درشان انت۔  صدر ءِ بستار ءَ ، شنگھائی کمکی گل، تاجکستان ءِ  گہتریں سروکی ءِ درشان  کت۔  مزن وزیر عمران خان ستمبر 2021 ءَ ، دو شنبے ءَ  اوست کتگیں ایس سی اوسمٹ، ءَ  بھر زوری کنت۔ شاہ محمود قریشی ءَ تاجک  ھمکار ءَ را پاکستان ءِ  لیکہ ءِ ھوالگ ءَ سرپد کنان ءَ کت  کہ ما اوگانستان   سیاسی گیش ءُ گیواری  ءِ لوٹوک آں۔  اوگانستان  ءَ ایمنی ءُ برجائی ءِ سیت آنی  نپ سرجمیں پڑ ءَ را بیت۔ شاہ محمود قریشی ءَ گوشت کہ اگاں ھدا نہ  گھ بدار ایت اوگانستان ءِ جیڈھ ھراب بوت انت گڈا سرجمیں پڑ آماچ بیت۔ آئی ءَ گوشت کہ  منی اے دور ءُ باریگ ءِ مول ءُ مراد، اوگانستان ءِ  ھوالگ ءَ استیں  جیڈھ آنی گیش ءُ گیواری ءُ یکجائی مول ءُ مراد آنی در جنگ ءِ واستہ ، شور ءُ مشور آنی گوما  آیوکیں کار رھبند آنی جوڑ  کنگ انت۔ تاجک وزیر ءِ درئی کار ءَ ، دمگی تک ءَ،  اوگانستان ءِ جاور ھال  آنی بابت ءَ وت مہ وتی تپاک نامہ ءِ  وتی کنگ ءِ واستہ، وزیر ءِ درئی کار مخدوم شاہ محمود قریشی ءِ  کوشست آناں ساڑات۔ دوئیں وزیر ءِ درئی کار آں وتی مہ وتی واھگی کار آنی بابت ءَ شور ءُ مشور جاڑی دارگ ءِ  ھوالگ ءَ تپاکی کت۔