اسلام آباد۔25اگست (اے پی پی): مزن وزیر ءِ مشیر برائے تجارت عبدالرزاق دائود ءَ گوشت کہ مزن وزیر عمران خان ءِ سروکی ءَ پاکستان تحریک انصاف ءِ حکومت ءَ ملک ءَ معاشی دیمروئی ءُ کاروباری چست ءُ ایر آنی تہ ءَ گہتری ءِ سر ءَ دلگوشی داتگ، ھواریں راجی پیداوار (جی ڈی پی) ءِ رد ءَ چہ سرمایہ کاری ءِ کساس ءِ تہ ءَ دیمروئی حکومت ءِ اولی کار آنی تہ ءَ ھوار انت۔ اے ھیالانی درشانی آئی ءَ چار شمبے ءِ روچ ءَ سرمایہ کاری بورڈ ءِ چیر دستی ءَ کاروباری آسانی آنی پڑ ءَ گہتری کار آنی 7 ھپتمی منصوبگ بندی لانچنگ ءِ مراگش ءَ گوں گشتانک دیان ءَ کت۔ مشیر ءِ تجارت ءَ گوشت کہ حکومت وھد ءِ سروکی ءَ اتک گڈا اقتصادی دیمروئی ءُ کاروباری چست ءُ ایر آنی گہتری ءِ سر ءَ ھاسیں دلگوشی داتگ وھدیکہ جی ڈی پی ءِ رد ءَ سرمایہ کاری ءِ کساس ءِ تہ ءَ گیشی ھم اولی کار آنی تہ ءَ ھوار انت۔ آئی ءَ گوشت کہ کوویڈ-19 ءِ میاں اوستمانی ھوپ ءِ ساھت ءَ پاکستان لستیں ملک آنی تہ ءَ ھوار انت ایشی ءَ ھوپ ءِ گر ءُ دار ءُ کاروباری چست ءُ ایر آنی دیمروئی ءُ چاگرد ءِ ھمزوریں تبک ءِ رکھینگ ءِ واستہ گہتریں کرد ءِ پیلو کتگ۔ آئی ءَ گوشت کہ کاروباری آسانی آنی دیمروئی ءِ گامگیج آنی رد ءَ کمپنی آنی رجسٹریشن ءِ گوما آوانی آسراتی پجاری ءَ تاں آسانی ءَ گوں پجاری ءِ بابت دلگوشی دیگ بوتگ۔
