جان سلامتی آسراتی پروگرام استیں حکومت ءِ فلیگ شپ پروگرام انت، ھمک ھاندان  ءِ ھمک مردم ایشی ءَ چہ سیت مند بوھگ ءَ انت، ڈاکٹر سلطان ءِ مراگش ءَ گوں گشتانک

اسلام آباد۔25اگست  (اے پی پی): مزن وزیر ءِ ھاسیں کمکار برائے جان سلامتی ڈاکٹر فیصل سلطان ءَ گوشت کہ  جان سلامتی پروگرام استیں حکومت ءِ فیگ شپ پروگرام انت، اے پروگرام ءَ چہ پاکستان ءَ جان سلامتی ءِ شوبگ برز ءُ بلند بیت، ھمک ھاندات ءِ ھمک  مردم اے پروگرام ءَ چہ سیت مند بیت۔ اے ھیالانی درشانی آئی ءَ   ادا جان سلامتی آسراتی پروگرام ءِ لانچنگ مراگش ءَ گوں گشتانک دیان ءَ کت۔ ھاسیں کمکار ءَ گوشت کہ جان سلامتی  پروگرام ءِ مول ءُ مراد  الس ءَ را ہیلتھ انشورنش دیگ انت۔  اے پروگرام مریض ءَ را پریشانی ءَ چہ رکھینگ ءِ واستہ جوڑ کنگ بوتگ۔ آئی ءَ گوشت کہ  جان  سلامتی آسراتی پروگرام استیں حکومت ءِ  یک فلیگ شپ پروگرام ات ایشی ءِ وسیلگ ءَ توامیں جان سلامتی آسراتی  مپت ءَ پجاری کنگ بوھگ ءَ انت۔  آئی ءَ گوشت کہ مزن وزیر عمران خان ءِ داتگیں پنت ءُ شونگ ءِ رد ءَ جان سلامتی آسراتی پروگرام گلگت بلتستان ءَ ھم بندات  کنگ بوھگ ءَ انت بلے نوں اے پروگرام ایوک ءَ اسلام آباد ءَ  جاھ مہ نندیں  مردم آنی واستہ انت۔