اسلام آباد۔25اگست (اے پی پی):چیئرمین سینیٹ محمد صادق سنجرانی ءَ گوشت کہ پاکستان ءَ لیب ءُ گوازی ءِ سک باز ازم است انت، گوازی ءِ موہ پجاری کنگ ءِ واستہ صوبگ آناں وتی کرد پیلو کنگ لوٹ ایت، ملک ءَ لیب ءُ گوازی ءِ پڑ آبات بہ بنت۔ اے گپ آئی ءَ راولپنڈی اسلام آباد سپورٹس جرنلسٹ ایسوسی ایشن ءِ ڈل ءَ گوں تران کنان ءَ کت آئی ءَ چار شمبے ءِ روچ ءَ پارلیمنٹ گس ءَ آئی ءَ گوں گند ءُ نند کت۔ گند ءُ نند ءَ ملک ءَ لیب ءُ گوازی آنی گہتری ءِ ھوالگ ءَ ھیال ریچی کنگ بوت۔ چیئرمین سینیٹ ءَ گوشت کہ آ لیب ءُ گوازی ءَ گوں دوستی ءُ واھگ ءِ دار ایت، ملک ءَ لیب آنی دیمروئی ءِ واسہ اسٹیک ہولڈرز آناں کرد پیلو کنگ لوٹ ایت۔ آئی ءَ گوشت کہ سپورٹس فیڈریشنز ءِ سسٹم ءَ کرد ارزشتی انت۔ میڈیا ءَ را لیب ءُ گوازی ءِ ھوالگ ءَ پازیٹیو کرد پیلو کنگ لوٹ ایت۔ آئی ءَ گوشت کہ پاکستان ءَ لیب ءُ گوازی ءِ ٹیلنٹ است انت، ملک ءَ انٹرنیشنل کد ءُ بالاد ءِ فٹ بال سٹیڈیمز جوڑ کنگ بہ بیت۔ آئی ءَ گوشت کہ جوانیں لیبی مئے مڈی انت۔ ڈل ءِ سروکی چیئرمین رسجا عبدالمحی شاہ ءُ صدر ایاز اکبر یوسفزئی ءَ کت۔ ڈل ءَ چیئرمین سینیٹ ءَ را یات گیری شیلڈ ھم پیش کت۔
