اسلام آباد۔25اگست (اے پی پی): مزن وزیر عمران خان مرچی چار شمبے ءِ روچ ءَ شیخوپورہ ءُ لاہور ءِ واستہ روادگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں جار ءِ رد ءَ مرچی مزن وزیر لاہور ءَ پنجاپ ایجوکیشن کنونشن 2021 ءَ ھاسیں مہمان ءِ بستار ءَ بھر زوری کنت۔ پنجاپ ایجوکیشن کنونشن سکول ایجوکیشن ڈیپارٹمنٹ پنجاپ ءِ نیمگ ءَ برجم دارگ بوھگ ءَ انت۔ کنونشن حکومت ءِ گوستگیں سئے سال آنی تہ ءَ صوبگ ءَ وانگ ءُ زانگ ءُ لوٹ آناں سہرا کنائنگ، جوانیں وانگ ءُ زانگ ءِ در جنگ ءُ ھساب ءُ داد آںی بنیات ءَ پیسلہ آناں سہر ا کنگ انت۔ گوستگیں سئے سال ءَ پنجاپ ایجوکیشن ڈیپارٹمنٹ ءَ پروگرام مانیٹرنگ اینڈ امبلی منٹیشن یونٹ ءُ دیمروئی ادارگ ءُ تکنیکی کمکی ایجنسی آنی شریکداری ءَ کنان ءَ پنجاپ ءَ وانگ ءُ زانگ ءِ شوبگ ءَ ٹوھیں کساس ءَ گہتری کار آناں دل یکیمی جوڑ کتگ ءُ ھما سکول آناں اپ گریڈیشن، انٹیگریٹڈ منیجمنٹ سسٹم، ای ٹرانفرز ھوار انت۔ سکول ءِ جوڑیشت، “تعلیم گھر پروگرام” استاد آنی کزبی ھیل کار ءِ تہ ءَ گہتری ءُ ایشی ءِ آن لائن سسٹم ءِ بنگیج ھم اے گامگیج آنی تہ ءَ ھوار انت۔ مزن وزیر مراگش ءَ گوں گشتانک ھم دنت۔
