ھما جاہ ءَ فوج مہ بیت ءُ ادارگ مھکم مہ بنت،  ملک چلئت نہ کنت، وتی کش ءُ کراں بچار ات، ھما جاہ ءَ کہ ملک محفوظ نہ انت  ھمودا گس ھم محفوظ نہ انت، بنجاھی وزیر اھوالکاری ءُ شنگ کاری چوہدری فواد حسین ءِ کابینہ دیوان ءَ چہ پد میڈیا ءَ را  بریفنگ

اسلام آباد۔24اگست  (اے پی پی): بنجاھی وزیر اھوالکاری ءُ شنگ کاری چوہدری  فواد حسین ءَ گوشت کہ بھارت پاکستان ءَ ایمنی کار ءَ را  لگت مال کنگ ءِ کوشست کنگ ءَ انت، بھارت  ءِ اچ بارڈر  اوگانستان ءَ گوں نہ مل ایت، بھارت اوگانستا ن ءَ دست مانجنی ءَ  بس بہ کنت، پاکستان مدام اوگان جیڈھ آنی  سیاسی گیواری ءِ گپ  کتگ۔  پاکستان ءَ اوگانستان ءَ نندوکیں گیر ملکی شہری آنی در کنگ ءِ آسراتی داتگ، راجی ائیر لائن ءَ انوگ ءَ تاں کابل ءَ 1500  مردم آنی در کنگ ءَ را دل یکیمی کتگ،  ھما جاہ ءَ فوج مہ بیت ءُ ادارگ مھکم مہ بنت،  آ ملک چل ایت نہ کنت، وتی کش ءُ کرے دمگ آں بچار ات،  ھما جاہ ءَ ملک محفوظ نہ انت ھمودا  مردم آنی گس ھم محفوظ نہ انت، حکومت ملک ءَ را ساپ ءُ سلہ ایں گچین کاری ءِ برجائی ءِ واستہ   گامگیج چست کنگ ءَ انت۔  پاکستان ءَ یک الیکشن  ءِ اے وڑیں نیست کہ آئی ءِ تہ ءَ اپوزیشن ساپ ءُ سلہ ایں رپک ءَ باج برتگ۔ 90 لکھ اوورسیز پاکستانی آناں ووٹ ءِ ھک ءَ چہ  دارگ ءِ کوشست  کنگ بوھگ ءَ انت، دھاندلی ءِ گر ءُ دار ءِ واستہ جوڈیشل کمیشن ءِ 36 سپارش  آنی تہ ءَ گیشتریں  گیواری ای وی ایم ءَ  چہ بوت کن انت۔ ما ڈن ملک ءَ نندوکیں پاکستانی آناں ووٹ ءِ ھک ءَ دیگ ءِ واستہ کوشست  ایگ آں، اوورسیز پاکستانی آنی زر امبار آنی سبب ءَ ملکی معیشت برجم بوھگ ءَ انت، کورونا ءِ ھوپ ءِ شنگ ءُ تالانی ءِ سبب ءَ خیبر پختونخوا ءُ پنجاپ ءِ جان سلامتی ءِ شوبگ ءَ  گیشں زور پر انت۔ معاشی اشارئیہ برجم انت، برآمدات آنی تہ ءَ گیشی وھدیکہ گران بھائی ءِ تہ ءَ کمیگ بوھگ ءَ انت، بزنس انڈیکس ءَ ھم 108درسد گیش گیشی  ریکاٹ بوتگ۔ ڈاکٹر محمد اشفاق ءَ را ایف بی آر ءِ نوکیں چیئرمین وھدیکہ ڈاکٹر ندیم ظفر ءَ را پاکستان ادارگ برائے شماریات ءِ سروک  پوسٹ کنگ بوتگ۔ اے ھیالانی درشانی آئی ئَ سئے شمبے ءِ روچ ءَ مزن وزیر عمران خان  ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ کت۔  بنجاھی وزیر  اھوالکاری چوہدری فواد حسین ءَ  ءَ گوشت کہ بنجاھی کابینہ ءِ دیوان ءَ وزیر ءِ درئی کار شاہ محمود قریشی ءَ اوگانستان ءِ جاور ھال آنی بابت ءَ بریفنگ دات۔