صدر ءِ مملکت ڈاکٹر عارف علوی ءِ سروکی ءَ نیشنل یونیورسٹی  آف ماڈرن لینگویجز، اسلام آباد  ءِ بابت ءَ بریفنگ دیوان

اسلام آباد۔24اگست  (اے پی پی):صدر مملکت ڈاکٹر عارف علوی  ءَ یونیورسٹی ءِ سر ءَ زور پر دات کہ آ ملک ءَ جوانیں وانگ ءُ زانگ ءِ دیمروئی ءِ واستہ آن لائن وانگ ءُ زانگ ءِ تہ ءَ گیشی بکنت ءُ پٹ ءُ پول ءِ تہ ءَ گیشی آرگ ءَ دلگوش بکن انت،  آئی  ءَ گوشت کہ مٹ بوھوکیں دگنیا ءِ چیلنجز آں گوں گر ءُ چیل  بوھگ ءِ واستہ نودربر آناں تیار کنگ ءِ واستہ  دانش گاہ  آنی جوڑیشت ءِ ضلورت انت۔  اے ھیالانی درشانی  آئی ءَ ایوان ءِ صدر ءَ نیشنل یونیورسٹی آف ماڈر لینگویجز، اسلام آباد ءِ بابت ءَ بریفنگ دیوان ءِ سروکی ءَ کنان ءَ کت۔  ریکٹر نمل میجر جنرل (ر) محمد جعفر ءَ ملک ءَ وانگ ءُ زانگ ءِ دیمروئی ءَ یونیورسٹی ءِ کرد ءِ بابت ءَ پریزنٹیشن دات۔  آئی ءَ گوشت کہ یونیورسٹی ءِ  جتا جتائیں پروگرام آنی تہ ءَ 22 ہزار نودربر آنی داخلہ  بوتگ ءُ 77 ہزار ءَ چہ گیش نودربر آں گریجویشن کتگ۔ آئی ءَ گوشت کہ یونیورسٹی ءَ مالی سال 21-2020 ءِ ساھت ءَ اسپیشلیں مردم آں ھوار نودربر  آناں 340 ملین کلدار ءِ سکالرشپس پجاری کتگ انت۔ صدر ءِ مملکت ءَ ملک ءِ وانگ ءُ زانگ ءِ دیمروئی  ءَ یونیورسٹی ءِ کرد ءَ را ساڑاھان   ءَ اے گپ ءِ سر ءَ زور پر دات کہ 21 بیست ءُ یکمی کرن ءِ جیڈھ آں گوں گر ءُ چیل بوھگ ءِ واستہ مزن تکی ادارگ آناں پگری  رنگ ءَ مزن تکی وانگ ءُ زانگی  گریجویٹ پیداک کنگ ءِ ضلورت  انت۔ آئی ءَ یونیورسٹی منیجمنٹ  ءَ را گوشت کہ آ آئی ٹی ڈیپارٹمنٹ جوڑ بکنت تانکہ ورنا آناں روزگار ءِ ازم پجاری کنگ بہ بیت تانکہ آ ملک ءِ معاشی دیمروئی ءَ بھر مان  کت بکن اَنت۔  صدر ءِ مملکت ءَ جتا جتائیں زبان آںی تہ ءَ پٹ ءُ  پول ءُ اشاعت ءِ شوبگ آنی تہ ءَ نمل یونیورسٹی ءِ  کار کرد  ءَ  را ھم ساڑات۔