اسلام آباد۔ 24اگست (اے پی پی) وزیر مملکت حوالکاری و شینکاری فرخ حبیب پارینے کہ سرسہب ورنا پروگرام نا کمک اٹ ورناتے روزگار نا فراوانی نا عمل برجاءِ، وام دوئی کروک آ ورناتا کچ اٹی نمان ودکی مسنے، وزیراعظم عمران خان ورناتے واکدار و عزتی ءُ روزگار اسے نا فراوانی کن کوشست کننگ ءِ، مچ آ ملک اٹی سرسہب ورنا پروگرام نا کمک اٹ وام تا بشخنگ ناعمل ءِ ترند کننگانے۔ وزیر مملکت حوالکاری و شینکاری فرخ حبیب تینا ٹویٹ اٹی پارے کہ 18ہزار آن ورناتے ٹی 22ارب روپئی آن زیات نا زر بشخنگانے، نجی بینک آتے وام تا بشخنگ اٹی بروک آ اڑاند آتے دمدستی چٹفنگ نا ٹاسک تسونن، حکومتی کہول آ ڈٹ انا شفافیت و میرٹ نا پوروی چاروکی ءِ کننگ اُن۔ اوپارے کہ سرسہب ورنا پروگرام ورناتے روزگار نا فراوانی نا غٹ آن بھلا حکومتی ڈٹ جوڑ مسنے، پاکستانی جاب مارکیٹ اٹی سرسہب ورنا تا ودکی ستاکڑزک، ورناتے وسیلہ غاتا اسہ وڑ فراوانی کن حکومت نا پالیسی پیدوار ءِ۔ اوپارے کہ وزیراعظم نا ویژن نا پوروی اسکان ورناتاحکومتی کمکاری ءِ ہرکہول آ برجاتخنہ۔ اوپارے کہ پروگرام اٹی بے کنڈ ہلوک، میرٹ وشفافیت آ سروک سرسہب ورناپروگرام عثمان ڈار مبارکباد نا حقدار ءِ۔
