اسلام آباد۔ 24اگست (اے پی پی) وزیراعظم نا خصوصی کمکار سی ڈی اے امور علی نواز اعوان پارینے کہ اسلام آباد اٹی پوسکن آ ریگولیٹری فریم ورک اس اتنگ اُن، ہرانا سمری بنجائی کابینہ ٹی ہنانے، ای الیون تون اوار ایلو سوسائٹی تا ہائیڈرو لاجیکل سروے کننگ والا اُن، ای الیون نالہ غان تجاوزات آتے اسہ کنڈ کرسا متکن آ حالیت اٹ بحال کننگک۔ سے شنبے نادے آ پریس کانفرنس آن تران کرسا اوپارے کہ کراچی ٹی پِر مس تو پاننگاکہ ہراتم زیات پِر مریک تو زیات دیر بریک۔ اسلام آباد اٹی 28جولائی آ دونیم گھنٹہ ٹی 100ملی میٹرآن زیات پِر مس، بدبختی اٹ ای الیون اٹ اسہ اُراسے نا دیوال پنا و دیر اواُراٹی پترینگا ہراڑآن 2بندغ زوال کریر۔ ای الیون نا معاملہ نا انکوائری کن 3باسکی کمیٹی اس جوڑ کننگا، داکمیٹی مسہ ہفتہ ٹی رپورٹ ءِ تیار کرے ہراڑآ ایکشن ہلنگانے۔ ای الیون اٹ نالہ 70آن 80فٹ مرغن ئس ہراداسہ 18غان 20فٹ رہینگانے۔ نالہ غا چھت ہم شاغنگانے و پلاٹ آتے سودا کننگانے۔ ہرانا انکوائری کن مسہ باسکی کمیٹی (سی ڈی اے، ڈی سی و پولیس آ تالان) جوڑ کننگاسس و داکمیٹی 2012ء ٹی سی ڈی اے نا زموارممبر پلاننگ تون اوار غٹ ءِ چارج شیٹ کرینے۔ سی ڈی اے دانا باقاعدہ موکل ءِ 2012ٹی تسوسس۔ خصوصی کمکار پارے کہ ای الیون نالہ ٹی اسلام آباد نا بھاز انگا نالہ غاتیان دیر اسہ جاگہ غا مریک۔
