اسلام آباد۔ 23اگست (اے پی پی) وزیرخارجہ مخدوم شاہ محمود قریشی پارینے کہ کابل نا دورہ ءِ کتنوٹ، بھارتی میڈیا غیر زموارانہ گپ وتران کرے، سلابت نا غرض اٹ تاجکستان، ازبکستان، ترکمانستان و ایران آ کاوہ۔ اوغانستان نا شونداری کن خوانوک ءُ بندغ درکار ءِ، غٹ پیشن ہنار تو اوغانستان زہمی مریک۔ دوشنبے نادے آ اوغانستان نا ساڑی آ حالیت آتیا وزیر خارجہ تینا اسہ بیان اسے ٹی وزیرخارجہ پارے کہ بھارتی میڈیا کنا کابل آ ہِننگ نا واویلا کرسا غیر زموارانہ گپ وتران کرینے۔ ہراڑآن اوفتا تینا ساکھ زہمی مریک، بھارتی میڈیا ہیت کننگ آن مست اودے پک کے۔ وزیرخارجہ پارے کہ کابل آ ہنتنوٹ، پاکستان اٹی ہم اہم دیوان مس۔ وزیرخارجہ پارے کہ درو کنا یورپی یونین نا خارجہ امور نا سروک جوزف بوریل تون گپ وتران مس، یورپی یونین نا خارجہ امور نا سروک ءِ پاریٹ کہ ای ساڑی حالیت آتا رداٹ مون تروک چیلنج آتا بابت اسیجائی لائحہ عمل اس ٹہیفنگ کن ڈیہہ نا اہم ملک آتا دورہ غا روانہ مننگ اٹی اُٹ، دا چرجوئی ٹی تاجکستان، ازبکستان، ترکمانستان و ایران آ کاوہ و ہموجاگہ نا سرکڑدہ غاتون سلابت کیوہ۔ داکان مست چین اتون ننا گپ وتران مسنے۔ وزیرخارجہ پارے کہ اوغانستان اسہ کثیر نسلی ملک اسے ہموڑے پشتون تیان بیدس ایلومخلوق رہینگک، دارداٹ نن خوانہ کہ ہموڑے ہرا حکومت مون آ برے او وسیع البدناو و اجتماعیت نا حامل مرے۔ اوپارے کہ نن داہیت ءِ ذہن اٹ تخن کہ اوغانستان اٹی امن مخالف واکدارک”اسپائلرز“ اینو ہم متحرک ءُ، اوخواپسہ کہ اوغانستان اٹی امن مرے، وخت اس کہ پاکستان و ڈیہہ نا ہمسایہ ملک آک اوغانستان اٹی امن خوارہ۔ شاہ محمود قریشی پارے کہ ہندوستان ءِ تینا کچ اٹ سوچ ءِ ہلوئی مریک، ہندوستان اگہ پاکستان ءِ شیف نشان تننگ نا سوچ آ کاریم کرے تو او ڈیہہ نا ہچ ءُ خذمت اس کپک، بھارت اوغانستان تون گچین تعلقداری تا دعویدار مسنے، ننے بھارت نا اوغانستان تون گچین تعلقداری تیا اعتراض اف، ننا چکار اسہ پڑک اسے آآخا، پاکستان نا سوچ اوغانستان نا گچینی ءِ، وزیر خارجہ پارے کہ نن اوغان الس کن سازگار چاگڑد اس ودی کننگ و اوغانستان اٹی شونداری و شونداری خوانہ۔ وزیرخارجہ پارے کہ الس نا بارواٹ سجفوک آتون ہیت کننگ اُن، جہانی برادری ہم اوغانستان تون تعلقداری تے بحال تخے۔ وزیر خارجہ پارے کہ اوغانستان نا شونداری کن خوانوک آ مخلوق نا درکار ءِ۔ غٹ پیشن ہنار تو اوغانستان تون مہرومریبت کروک آتا ملک زہمی مریک، جان نا رکھ، بنداوی حق انا شرف و اوغانستان نا گچین آخبت المی ءِ۔
