اسلام آباد۔ 23اگست (اے پی پی) سپریم کورٹ صحافی تے زیزاریفنگ نا معاملہ غا ازخودنوٹس آ عملدرآمد ءِ تورے۔ سپریم کورٹ گوندانے کہ انت ازخود نوٹس چیف جسٹس آف پاکستان آن بیدس ہم جج اس ہلنگ کیک؟ دامعاملہ ءِ ہرنہ، ازخودنوٹس ہلنگ نا اختیار نا تعین کن تعلقدار فریق آتے بِننگ خوانہ، اٹارنی جنرل آف پاکستان، صدر سپریم کورٹ بار ایسوسی ایشن و وائس چیئرمین پاکستان بار کونسل معاملہ غا عدالت تون کمک کیرواوفتے بروک آ سماعت آ کمکاری کن بٹنگا۔ دوشنبے نادے آ قائم مقام چیف جسٹس عمر عطابندیال نا کماشی ٹی پنچ باسکی لارجر بنچ ازخودنوٹس ہلنگ نا اختیار نا تعین نابابت معاملہ غا سماعت کرے۔ سماعت اٹی قائم مقام چیف جسٹس عمرعطابندیال ریمارکس تس کہ صحافی تا کیس حساس ءِ خوشی مس کہ اوفک رجوع کریر ولے دا معاملہ عدالتی وڑوڈول آتارداٹ اف۔ سپریم کورٹ رجسٹرار آفس قائم مقام چیف جسٹس ءِ معاملہ غا نوشتہی وڑاٹ معلومدار کرے، رجسٹرار آفس پارے کہ ہراانداز اختیار مس او عدالتی وڑوڈول آتا رداٹ اف، عدالت اٹی کیس دائر مننگ و مقرر کننگ نا باقاعدہ وڑوڈول اسے۔ عدالت عظمیٰ صحافی تے زیزاریفنگ نا معاملہ غا جسٹس قاضی فائز عیسیٰ نا کنڈآن ہلوک آ ازخودنوٹس آ عملدرآمد ءِ تورسا پارے کہ سپریم کورٹ نا اِراباسکی بنچ 20اگست 2021ء آ صحافی تا درخواست آ ازخود نوٹس ہلکر و اسہ پرمان نامہ اس جاری کریر، اِراباسکی بنچ نا کنڈآن ہرادرخواست آ پرمان نامہ تننگا او معاملہ سماعت اٹی ہی الوکہ۔ سپریم کورٹ گوندانے کہ اِرا باسکی بنچ 20اگست آ ازخودنوٹس ہلسا بنجائی ادارہ و سرکاری وکیل آتے نوٹس جاری کرسا ہندا معاملہ ءِ 26اگست 2021ء آ دابینچ انا مون آ سماعت کن مقرر کننگ نا پرمان کریسس، 26اگست آ جسٹس قاضی فائز عیسیٰ و جسٹس جمال مندوخیل آ تالان اِراباسکی بنچ دوئی اف، فی الوقت صحافی تا کنڈآن چست کروک آ اہم سوج آتے ہرپنہ، اسل سوج ازخودنوٹس ہلنگ نا دائرہ اختیار نا بابت ءِ، پوسکن آ بنچ انا ٹہیفنگ اسکان صحافی تا زیزاریفنگ نا معاملہ غیر موثر سلک۔ سپریم کورٹ گوندانے کہ 20اگست نا عدالتی پرمان نامہ غا فریقین صحافی تا زیزاریفنگ نا بابت ورندی تے جمع کرفے، صحافی تا درخواست آ شفاف وڑاٹ کارروائی خوانہ۔ سپریم کورٹ گوندانے کہ انت ازخودنوٹس چیف جسٹس آف پاکستان آن بیدس ہم جج اس ہلنگ کیک؟ دامعاملہ ءِ ہرنہ، بنچ پدسلوک مقدمہ ٹی ٹک اسے آ ازخودنوٹس ہلنگ کیک، بنچ آک عمومی وڑاٹ چیف جسٹس ءِ ازخودنوٹس نا سفارش کیرہ، ساڑی آ حالیت آتے ٹی ہچ ءُ مقدمہ اس پدسلوک الوکہ، اِراباسکی بنچ براہ راست درخواست ہلسا ازخودنوٹس ہلک، بنچ اس ٹہیفنگ چیف جسٹس نا اختیار ءِ، عدالت ازخودنوٹس و پورو انصاف نا اختیار سسٹم نا رداٹ کاریم اٹ اتیک، مستین ہم گڑاس مقدمہ غاتیا معمول آن اسہ کنڈ مرسا ازخودنوٹس مس، چیف جسٹس آن بیدس بنچ انا کنڈآن ازخودنوٹس کن معاملہ سلاہ کننگ نا روایت ساڑی ءِ۔ انت ازخودنوٹس چیف جسٹس آف پاکستان آن بیدس ہم جج اس ہلنگ کیک، دامعاملہ ءِ ہرنہ، ازخودنوٹس ہلنگ نا اخیتار نا تعین کن تعلقدار فریق آتے بِننگ خوانہ، اٹارنی جنرل آف پاکستان، صدر سپریم کورٹ بار ایسوسی ایشن و وائس چیئرمین پاکستان بارکونسل معاملہ غا عدالت تون کمک کیر۔ عدالت عظمیٰ اٹارنی جنرل آف پاکستان، صدر سپریم کورٹ بار ایسوسی ایشن و وائس چیئرمین پاکستان بار کونسل ءِ نوٹس جاری کرسا بروک آ سماعت آ کمکاری کن بٹنگسا معاملہ غا سماعت ءِ 25اگست 2021ء اسکان پدبٹے۔
