ایبٹ آباد۔ 23 اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل، اسپیکر خیبرپختونخوا اسمبلی مشتاق احمد غنی و باسک قومی اسمبلی علی خان جدون ئسک یک شنبے نانن احساس پناہ گاہ و لنگرخانہ ایبٹ آباد (میزائل چوک) انا دورہ ءِ کریر و بست وبند آتا جاچ ءِ ہلکر۔ اوفک پناہ گاہ ٹی ساڑی آ مخلوق تون بست وبند آتا بابت گپ وتران کریر ہرافتے الس است جم گوندا۔ اسپیکر مشتاق غنی، ڈاکٹر شہباز گل و ایم این اے علی جدون پناہ گاہ ٹی ساڑی مخلوق تون اواری اٹ اِرغ کنگر۔ اوفک بست وبند آتے است جم گوندار و پاریر کہ داوڑنا پین پناہ گاہ زوت ایلو علاقہ غاتے ٹی ہم جوڑ کننگک۔
