اسلام آباد۔22اگست (اے پی پی):صدر مملکت ڈاکٹر عارف علوی 1.2 ارب کلدار ءِ دروگیں انوائنس سکینڈل ءَ فیڈرل بورڈ آف ریونیو ایف بی آر ءِ دزبندی ءَ را رد کتگ، صدر ڈاکٹر عارف علوی ءَ ایف بی آر ءِ 1.2 ارب کلدار ءِ 42 دزبندی آناں گیش ءُ گیوار کتگ۔ ایوان ءِ صدر ءِ میڈیا ونگ ءِ نیمگ ءَ یک شمبے ءِ روچ ءَ جاڑی بوتگیں بیان ءِ رد ءَ ایف بی آر ءَ بنجاھی ٹیکس محتسب ءِ سوموٹو کیسز آنی پیسلہ آنی ھلاپ ءَ صدر ءِ مملکت ءَ را اپیل کتگ بوتگ۔ سیکنڈل ءَ ایف بی آر کارندہ آنی دروگیں دعویدار آناں ادارُکی رنگ ءَ سرجمیں رنگ ءَ سیلز ٹیکس ریفنڈ ادا کنگ بوتگ انت ءُ ایف بی آر ءِ ڈائریکٹوریٹ جنرل آف انٹیلیجنس ءَ اے دروگ ءَ را سہرا کتگ بوتگ۔ یات دارگ بہ بیت کہ فیلڈ فارمیشن ءَ را ریڈ الرٹ جاڑی کنگ ءَ ابید دست مانجنیں کارندہ آنی ھلاپ ءَ کاروائی کنگ نہ بوتگ۔ بنجاھی ٹیکس محتسب ءَ واکیہ ءِ سر ءَ سو موٹو نوٹس زرتگ ءُ زمہ داریں مردم آنی شوہاز کنگ ءُ درگیجگ بندات کنگ پنت ءُ شون کتگ بوتگ۔ ایف بی آر ءَ صدر مملکت ءِ حکم ءُ بنجاھی ٹیکس محتسب ءِ سپارش ءِ پد ءَ 130 دروگیں ریفنڈ کیس آں گوں گر ءُ چیل بوھگ ءِ واستہ 6 انکوائری کمیٹی جوڑ کتگ۔ صدر ءِ مملکت ءَ ایف بی آر ءِ اپیل ءَ را رد کنان ءَ ھمک ماھ رپوٹ بنجاھی محتسب ءَ را پیش کنگ ءِ حکم ھم داتگ۔ صدر عارف علوی ءَ ملزم آنی گوشدارگ ءُ انصاف ءِ لوٹ آنی پیلو کنگ ءِ ھم پنت ءُ شون کتگ۔
