اسلام آباد۔22اگست (اے پی پی): وزیر ءِ تہی کار شیخ رشید احمد ءَ گوشت کہ اوگانستان ءَ مھکمیں ایمنی پڑے دیمروئی ءُ دگنیا ءِ سلامتی ءِ واستہ ارزشتی انت، اوگانستان ءَ ایمنی ءُ برجمی حکومت ءِ واستہ وتی کرد آں پیلو کناں، پاکستان ءُ چین ءِ وت مہ وتی کمک ءُ دیمروئی ءَ را ناشرکار آنی دست ءَ نہ دیاں۔ اے ھیالانی درشانی آئی ءَ چینی سفیر نونگ رونگ ءَ گوں گند ءُ نند ءِ ساھت ءَ کت۔ پاکستان ءَ چین ءِ سفیر نونگ رونگ ءَ یک شمبے ءِ روچ ءَ وزیر ءِ تہی کار ءِ گس ءَ آئی ءَ گوں گند ءُ نند کت۔ گند ءُ نند ءِ ساھت ءَ پاک چین دو نیمگی یکوئی ءَ ھوار پڑے ھواریں جاور ھال آنی بابت ءَ ھیال ریچی کت ۔ وزیر ءِ تہی کار شیخ رشید احمد ءَ چینی سفیر ءُ ایندگر سفارتی کارندہ آناں سُبارگ ءِ دعوت ھم دات۔
